web counter
LEXO PA REKLAMA!

SHKARKO APP

App Store
Google Play

E fundit!

x

Koço Kokëdhima sulmon PS/ Nuk ka demokraci, duhet reformim

2 Nëntor 2016, 18:53, Aktualitet CNA

Përmes një postimi në rrjetet sociale, ish-deputeti Koço Kokëdhima, ka sulmuar Partinë Socialiste duke u shprehur se në këtë forcë politike nuk ka demokraci. Duke komentuar themelimin e LIBRA, Kokëdhima thekson se  ajo erdhi si pasojë e mungesës së demokracisë, parimeve, normave dhe rregullave të funksionimit e bashkëjetesës në diversitet mendimesh e solidaritet në Partinë Socialiste.

?Dje, Blushi promovoi partinë LIBRA. Kjo parti do të mobilizojë kryesisht të majtë e socialistë të zhgënjyer. LIBRA, ështe një përpjekje e respektueshme për pasurimin e debatit politik e kulturor dhe për përmirësimin e ofertës politike. Ajo erdhi edhe si pasojë e mungesës së demokracisë, parimeve, normave dhe rregullave të funksionimit e bashkëjetesës në diversitet mendimesh e solidaritet në Partinë Socialiste?, shkruan Kokëdhima

Më tej, deputeti socialist shpjegon se nga divorci i i Blushit dhe Hafizit me PS kuptohet nevoja për reformimin e Partisë Socialiste.

?Nga divorci i Blushit dhe Hafizit kuptohet edhe më mirë nevoja për reformimin e PS-së me qëllim që të eleminohet ekzistenca e atyre problemeve të mprehta që kanë partitë politike në vend, që shfaqen si mungesë e kulturës funksionale, si mungesë e standarteve bashkëkohore të menaxhimit të tyre, si mungesë e hapësirave që duhet t’u garantohen anëtarëve për debat, për t’u dëgjuar, për t’u përfshirë në çështjet më të rëndësishme të politikëbërjes, qeverisjes dhe për t’u dhënë atyre mundësi dhe kushte për karrierë të shëndetëshme e të merituar?, shkruan ai





Lajmet e fundit nga