Skenarët/ Si po e emëron Edi Rama opozitën e nesërme

1 Nëntor 2016, 18:06, Aktualitet CNA

Kryeministri Edi Rama, në lojërat e tij politike ka pasur mjaft skenarë, shpesh të dështuar dhe shpesh të suksesshëm, por sot, kreu i qeverisë, në mënyrë të paprecedentë po bën një lojë politike për të emëruar opozitën në vend. Pra, për ta zgjedhur ai se kë do të ketë kundërshtar.

Kreu i qeverisë ka zgjedhur një skemë që fillon me marrjen e PDIU-së në aleancë, një forcë me elektorat të djathtë, të cilën kërkon ta përdorë për të tërhequr sa më shumë demokratë duke i ofruar sa më shumë vende pune si parti në qeveri.

Duke luajtur me çamët, Rama, me një gur vret 3 zogj.

E para– Siguron rreth 50 mijë vota të djathta, duke krijuar një devijacon minimalisht prej 100 mijë votash.

E dyta– Zbut forcën e LSI-së në koalicion.

E treta– Zbut humbjet e votave të koalicionit në krahasim me vitin 2013.

Më tej, Edi Rama bën skenarë me foto si në rastin e Agron Dukës, tek i cili kërkon të shkarkojë vota të majta, të pakënaqurish, të cilët nga inati, në një çast mund të jenë edhe me opozitën. Por, pas zgjedhjeve, me dy apo tre mandate të marra tek Basha, do të mund të siguronin një mazhorancë qeverisëse PS-PDIU-PAA.

Nga ana tjetër, Ramës i intereson edhe lëvizja e Gjergj Bojaxhiut, i cili mund të sigurojë vota të pakënaqura djathtas, 16 mijë vota në Tiranë nuk ishin pak. Duke ?sponsorizuar? politikisht dhe mbështetur ekonomikisht, Edi Rama çon jashtë të djathtës reale disa mijëra vota. Të njëjtin veprim si me Gjergj Bojaxhi, Rama e bën me Bamir Topin, i cili në zgjedhjet e vitit 2013 mori jo pak, por rreth 30 mijë vota.

Veprimet e Ramës me foto apo sponsorizim partish politike, janë qartaz aksion taktik për të bërë të mundur që votat e të pakënaqurve nga e majta, të drejtohen atje ku atij i intereson dhe votat nga e djathta të jenë sërish diku ku ai mund ti përdorë, siç mund të jetë mundësia e 2-3 madnateve të Dukës, 1 mandat i Bojaxhi dhe 1 apo 2 mandate të Topit, të cilat vijë majtas dhe djathtas, janë vota të pakënaqurish, por që nesër bashkë me votat e PDIU-së mund të shkojnë 10-12 mandate të cilat mund ti japin Ramës një qeverisje të sigurt dhe më pak problematike se sa kjo me Ilir Metën.

Nga ana tjetër, kreu i qeverisë, kështu emëron edhe opozitën sepse ai nuk lejon që votat e të pakënaqurve majtas të shkojnë tek Blushi, që mund të ishin një problem për Ramën. Ky i fundit, të majtët e pakënaqur i çon tek Duka. Të djathtët, sa tek Bojaxhi e Bamir Topi. Pengon Ben Blushin dhe ?Libra? që të rritet. Ilir Metën e çon në opozitë, e quan tradhtar të së majtës pasi u rimartua me Partinë e Bashës dhe kështu siguron qeverisjen e tij me të majtë e pseudo të djathtë, përmes intrigash ekonomike dhe politike.

PD qëndron në një skalion me Ilir Metën, më e dobët dhe ndoshta me po aq mandate, me një diferencë të vogël më pak apo më shumë sa në vitin 2013/citynews