E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Si zgjidhet Çështja e Çamërisë?!/ Nga Alban Daci

1 Nëntor 2016, 15:07, Aktualitet CNA

Çështja e Çamërisë është për ne shqiptare një çështje e mirëfilltë kombëtare, sepse çamët janë shqiptarë autoktonë në tokën e tyre që ka edhe emërtimin Çamëri, me pretekstin absurd të bashkëpunimit me gjermanët, u dëbuan, u masakruan dhe nuk u lejuan të jetonin në tokën e tyre.

Dëshmitë e personave që kanë mbijetuar sot në lidhje me ngjarjet e pastrimit etnik që kanë bërë grekët janë llahtarise dhe kanë të njëjtën metodë me atë që Milloshevici bëri më shqiptarët në Kosovë gjatë luftës së 98-99.

Ndërsa për palën greke Çështja e Çamërisë është një çështje e mirëfilltë invazioni. Pra, grekët janë të vetëdijshëm që kanë bërë masakra, spastrim etnik dhe qëllimi final ishte pushtimi i kësaj zone e marrja e territorit.

Interpretimet e ndryshme në lidhje më këtë çështja kanë ekzistuar dhe do të ekzistojnë. Dilema më e madhe është se si do të zgjidhet për shqiptarët kjo çështje, sepse për grekët, ajo tashmë është zgjidhur dhe ndoshta në mënyrën më përfekte të mundshme.

Së pari kjo çështje ka nën çështje të tjera brenda!

-Ç?pastrim etnik

– Gjenocid

-Krime kundër njerëzimit

-Konfiskim pronësie

-Heqje e paligjshme dhe arbitrare e shtetësisë

Çfarë duhet të kërkohet nga pala greke?

– Të kërkoj falje publike për krimet e kryera

– Dëmshpërblim monetar për dëmet e shkaktuara materiale, njerëzore dhe të pronës

– Njohje e kthim të shtetësisë

– Kthim dhe kompensim të pronës

– Njohja e të drejtave të gjuhës, fesë, traditave dhe kulturës, të monumenteve, të objekteve të kultit si popullsi autoktone

– Zonës që njihet me emrin Çamëri të ketë një statut të veçantë të ngjashëm me Regionet Speciale të Italisë

Si zgjidhet në tërësi kjo çështje?

Së pari, Shqipëria duhet të rifitojë atë që njihet Prestigj Ndërkombëtar. Për Shqipërinë dhe shqiptarët në Rajon është shumë e rëndësishme që proceset e integrimit euro-atlantik të vazhdojnë me ritme më të shpejta.

Integrimi i plotë I Shqipërisë në Nato ishte një fitore e madhe, por nuk mjafton. Integrimi i Shqipërisë në BE është një ndër objektivat më të rëndësishëm të Kombit shqiptar. Kjo e mundëson Shqipërinë të jetë e barabartë me Kombet e tjera europiane.

Rritja e ekonomisë së vendit me rritje të qëndrueshme të transporteve dhe investimeve.

Forcimi dhe bashkimi real i Shqipërisë me Kosovën është një formë tjetër e përfitimit të prestigjit ndërkombëtar.

Reformimi i institucioneve dhe i Shtetit duke u përshtatur sfidave.

Krijimi i një linje kombëtare të politikës. Politika shqiptare vazhdon që të influencohet nga faktorët e fqinjëve. Politika shqiptare duhet që me faktorët e saj të brendshëm të ndikoj në Rajon dhe jo Rajoni të jetë kushtëzues për të.

Ndërkombëtarizimi i Çështjes Çame është një mënyrë dhe hapi i duhur për zgjidhjen e saj. Sa më shumë Shqipëria afrohet me BE aq më shumë shkojmë drejt një zgjidhje të kësaj çështje.

Integrimi i Shqipërisë në BE do të shmangte frikën e nacionalizmit dhe do të bindte më shumë Greqinë për bashkëjetesë mes popujve pa barrierën e kufijve real apo virtual.

Forcimi i faktorit të Kombit shqiptarët në Rajon mundëson rikonfirmimin e tij me të drejta të merituara. Po ashtu, duhet të kemi parasysh se shumë faktor të brendshëm të një shteti apo të jashtëm janë gjithmonë në marrëdhëniet e një anarkie te mundshme.

Kjo nuk përjashton mundësinë që Greqia të ketë në të ardhmen jo vetëm probleme serioze ekonomike që ka sot, por mund të ketë edhe probleme të tjera serioze të brendshme që lidhen me të ardhmen e tij! Shqiptarët nuk duhet të pushojnë së punuari për të ardhmen dhe të drejtat e tyre, por koha po punon për ta. Prandaj, kam besim të plotë se edhe Çështja Çame do të ketë një zgjidhje pozitive dhe këtë e mendoj brenda këtij 10 vjeçari. /Citynews