E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

EKSKLUZIVE/ SHISH raportoi te kryeministri policët e përfshirë në mbjelljen e drogës

1 Nëntor 2016, 14:04, Aktualitet CNA

Policia e Shtetit ka qenë e akuzuara e madhe e opozitës për përfshirjen e saj në mbjelljen edhe ruajtjen e parcelave të kanabisit anë e kënd Shqipërisë. Akuzë që policia e quante politike por nëpërmjet ndërhyrjeve dhe shkatërrimeve të një sasie prej rreth 3 milionë rrënjësh justifikon punën e saj dhe mospërfshirjen në trafik, kultivim apo ndihmë ndaj trafikantëve të drogës.

Citynews nëpërmjet burimeve të konfirmuara zyrtare ka mësuar se, policia ka qenë e përfshirë, në segmente të caktuara të saj, në mbjelljen apo mbrojtjen e parcelave të drogës. Këtë e konfirmojnë disa raporte sekrete të SHISH, të cilat janë dërguar kreut të qeverisë Edi Rama.

Të njëjtat burime i thanë Citynews se, raportet që kanë qenë në duart e kryeministrit Rama kanë emra konkretë zyrtarësh të Policisë së Shtetit në zonat jugore të vendit, por edhe në veri, të cilët jo vetëm mbronin trafikantët, por disa prej tyre janë përfshirë edhe në vetë në mbjelljen e kanabisit.

Ne mësuam gjithashtu se këto raporte kryeministri nuk i ka marrë aspak për bazë, por përkundrazi, Edi Rama sistematikisht është përpjekur të theksojë se sipërfaqet e mbjella me drogë në Shqipëri është më e ulët se vitet e shkuara dhe nxiti propagandën dhe makinën e tij mediatike për të thënë se ishte mbjellë më pak drogë dhe se qeveria e kishte luftuar më fort.

Në fakt në asnjë rast kryeministri nuk përmendi përfshirjen e vartësve të tij dhe të Saimir Tahirit, për aq sa ishin përfshirë, në kultivimin e drogës. Disa prej tyre janë eprorë të lartë në disa qarqe, të cilët nuk merrnin vetëm një ?taksë? për të mbrojtur dhe mos hkattruar parcela me kanabis, por ishin vetë në shumë raste, sipas raportit, kultivues apo sponsorzues për mbjelljen e drogës.

Raporti i SHISH përmban emra konkretë, elementë dhe detaje për përfshirjen e policisë në këtë trafik droge. Por çuditërisht qeveria nuk ka reaguar me institucionet e saj për të ndërhyrë ndaj tyre. I vetmi rast është ai i Kolonjës ku një oficer krimesh u arratis se po akuzohej se ishte ai njerin që kishte mbjellë një parcelë me mijëra rrënjë kanabis.

Qeveria dhe kryeministri në veçanti e kanë mohuar përfshirjen e policisë në mbjelljen apo mbështetjen e trafikantëve.

Në fakt, raportet e SHISH derguar here pas here te kryeministri tregojnë se kreu i qeverisë ka qenë në dijeni të bashkëpunimit apo kultivimit të drogës nga elementë brenda policisë së shtetit por gjithmonë e ka mohuar dhe nuk ka nxitur hetimet e këtyre elementëve kriminalë çka e përfshin vetë kreun e qeverisë në një vepër kriminale dhe akt kriminal. /Citynews