E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Të rinj vullnetarë në Policinë e Shtetit/ Tahiri: Policia, institucioni më i besueshëm te shqiptarët

1 Nëntor 2016, 09:45, Aktualitet CNA

Rekrutimi i të rinjve si vullnetarë në Policinë e Shtetit duket se do të shihet me prioritet nga Ministri i Brendshëm, Saimir Tahiri.

Duke folur në Konferencën e parë Shkencore të Akademisë së Sigurisë, Tahiri tha se të gjithë duhet ta shohin veten si kontributor të sigurisë. Për këtë ai solli shembuj nga BE, duke deklaruar se profesionistë të fushave të ndryshme, kontribuojnë pas punës në polici.

?Kualifikimi është investimi më i madh që mund të bëjmë për sot dhe për nesër. Sfidat janë të shumta dhe më shumë sesa muskuj kërkojnë mendje dhe dije, edukim. Edhe punonjësi i policisë vullnetar do ketë mundësi të krijojë vetë bindjen mbi punën që bën sot policia e shtetit në përpjekjen tonë të përbashkët për të pasur më shumë siguri.Është shumë e domosdoshem që kjo hapësirë të jetë e gjitha për tu eksperimentuar. Nesër mund të jenë të rinj që duan ti bashkohen policisë së shtetit që të jenë pjesë e trupës, por mund të jenë të rinj që janë të realizuar në profesionet e tyre dhe duan që dy orë ti shpenzojnë bashkë me policinë në detyrat që kryen policia në ndihmë të qytetarëve. Në vendet e BE ka mjekë që pas 8 orarëshit të punës shpenzojnë dy orë duke kontribuar vullnetarisht në polici, ka juristë. Ka çdo lloj profesioni, profesionisti që ndihmon policinë të bëjë punën si duhet. Besoj se do vijë koha dhe në Shqipëri që policia e shtetit të jetë një mjedis që u jep mundësi të rinjve dhe të rejave jo detyrimisht duke u punësuar por dhe vullnetarisht të bëhen pjesë e asaj force pozitive në një lagje apo qytet që imponon dhe dikton rregullat e bashkëjetesës, sundimit të ligjit, mundësinë që siguria të jetë kontribut i të gjithëve?, tha gjatë fjalës së tij ministri Tahiri.

Më pas Tahiri, duke iu referuar sondazheve të bëra, është shprehur se Policia është institucioni më i besuar te shqiptarët. /Citynews