E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Edhe 4 nacionalistë të tjerë në pritje të dekorimit nga Presidenti/ Ja emrat

1 Nëntor 2016, 07:09, Aktualitet CNA

Kryetari i Shoqatës së ish-të Përndjekurve Politikë, Simon Mirakaj, në një intervistë për Gazetën Shqiptare ka deklaruar se pas dekorimit të nacionalistëve nga Presidenti Bujar Nishani, janë edhe 4 emra të tjerë të propozuar ende në pritje.

Bëhet fjalë për 4 intelektualë që kishin studiuar në universitete perëndimore, por që u burgosën dhe internuan nga regjimi komunist në Shqipëri, përcjell Citynews.al.

?Kemi bërë edhe 4 propozime të tjera prej kohësh. Jemi në pritje të reagimit të Presidentit të Republikës. Kemi çuar propozim për dekorimin e tre vlonjatëve, Hysni Alimerko, Isuf Hysenbegasi, Kudret Kokoshi dhe të kolonjarit Avni Begova. Që të katër, intelektualë të shquar që e deshën Shqipërinë, kishin studiuar jashtë, njerëz të formuar në Perëndim, por që diktatura i persekutoi në mënyrë çnjerëzore. Prej tyre jeton vetëm z.Avni Begova, i cili sot është në një moshë të thyer dhe ka bërë mbi 20 vite burg në komunizëm.

Alimerko ka studiuar në Bolonjë, Hysnebegasi ishte doktor. Në vitin 1941 shkoi për specializim në Itali. Dikush i propozon që të vishej mjek ushtarak në frontin italo-grek, kundrejt një page të konsiderueshme. Doktori refuzoi. Rezultati ishin tetë muaj internim në ishullin Capraia, në derdhjen e lumit Arno në Firence. Viti 1945 e gjeti në klinikën e tij në Tiranë. Por komunizmi, që kishte vendosur të bëhej varrmihësi I inteligjencës nacionaliste shqiptare, e degdisi në Gjirokastër, ku në fund të dhjetorit 1946 arrestohet. Pas dy vitesh tortura të tmerrshme në hetuesi, përballë të cilave qëndroi i paepur, dënohet nga Gjykata e Lartë Ushtarake me pushkatim. Pak më parë kishte vdekur nga torturat në hetuesi i vëllai, Feriti. Kjo bëri që me vendim të Kuvendit Popullor, vendimi t?i kthehej në burgim të përjetshëm. Lirohet pas nëntë vitesh burg.

Kudret Kokoshi ishte poet epik dhe përkthyes brilant. Është e veçantë dhe shembullore mbrojta që bëri Kudreti, jo si jurist, por si atdhetar me shpirt të madh, duke interpretuar në gjyq poezitë e tij me frymë antifashiste. Vendimi me pushkatim nuk u realizua, si pasojë e presionit të fuqishëm mbarëshqiptar, brenda e jashtë kufirit shtetëror dhe u kthye në burg të përjetshëm, por me trysninë e vijueshme popullore më pas u ul në 21 vite burg. Dhe pas burgut famëkeq pa frikë vijoi me vendosmëri, eci në rrugën e dritërimit të shoqërisë.

Shoqatës i vijnë nga familjarët e tyre ose pushteti vendor, sepse ata i njohin më mirë. Ne ia përcjellim Institucionit të Presidentit propozimet tona?, është shprehur Simon Mirakaj. /Citynews