web counter
LEXO PA REKLAMA!

SHKARKO APP

App Store
Google Play

Deklaratat për banesat në Himarë/ Ministria e Jashtme kërkon sqarime nga ambasadori grek

31 Tetor 2016, 20:21, Aktualitet CNA

Ministria e Punëve të Jashtme, kërkon sqarime nga Greqia për deklaratat në lidhje me prishjen e banesave të minoritarëve në Himarë.

Përmes një deklarate për shtyp MPJ ka thirrur për sqarim ambasadorin e Greqisë në Tiranë Leonidas Rokanas në lidhje me qëndrimin që Athina zyrtare ka mbajtur për çështjen e prishjes së banesave në Himarë.

Ministria e Jashtme e Shqipërisë i konsideron deklaratat e  MPJ greke të papranueshme dhe në kundërshtim me parimet themelore të shtetit të së drejtës.  Ndërsa tonet kërcënuese i konsideron se mesazhe të destinuar për konsum të brendshëm

Deklarata e Ministrisë së Jashtme

 ?Është rasti të themi se habia pason habinë kur bëhet fjalë për qëndrimet e MPJ greke. Tonet kërcënuese të deklaratës dhe njohja e cekët e situatës dhe rrethanave, nuk mund të mirëkuptohen në Europën e sotme, përveçse si një mesazh i destinuar për konsum të brendshëm. Shqipëria nuk bën dallime në respektimin e parimeve të shtetit të së drejtës.

Proçedurat ligjore të ndjekura nga Bashkia Himarë, që kanë në fokus shndërrimin e qytetit të Himarës në një destinacion turistik europian, janë transparente dhe në përputhje me legjislacionin në fuqi.

Deklaratat e përseritura të MPJ greke dhe gjuha anakronike për Himarën janë të papranueshme dhe në kundërshtim me parimet themelore të shtetit të së drejtës. Parime të cilat orientojnë veprimtarinë e institucioneve të shtetit shqiptar.

Bazuar në sa më siper e në pajtim me praktikat diplomatike, Ministria e Puneve të Jashtme ka thirrur për sqarime Ambasadoren e Greqise ne Tirane duke shprehur qëndrimin e mësipërm.?

 





Lajmet e fundit nga