web counter
LEXO PA REKLAMA!

SHKARKO APP

App Store
Google Play

E fundit!

x

Operacione masive antikanabis/ Asgjësohen 7500 rrënjë, në kërkim autorët

28 Tetor 2016, 14:55, Aktualitet CNA

Policia e Gjirokastrës në bashkëpunim me Komisariatin e Policisë Tepelenë dhe Stacionin e Policisë Memaliaj kanë zhvilluar operacione masive për evidentimin dhe goditjen e vendmagazimit të bimëve narkotike në proces tharje.

Operacionet kanë filluar që prej orëve të para të mëngjesit. Në operacione rreth 80 forca policore. Operacionet janë zhvilluar në territorin e Tepelenës e Memaliajt.

Burime zyrtare nga policia thanë për citynews se janës evidentuar katër kapanone që shërbenin për tharjen e bimeve narkotike. Të njëjtat burime theksuan se forcat e rendit kanë asgjësuar me anë të djegies 7.500 bimë narkotike të dyshuara Cannabis Sattiva në proces tharje.

Policia ka sekuestruar edhe 35 kg Cannabis Sativa. Operacioni i parë u krye në vendin e quajtur “Gjymshirah Meleq”, Njësia administrative Qëndër, Tepelenë, ku në një kapanon të përshtatur u gjetën 3 000 bimë narkotike në proces tharje, të cilat u asgjësuan në vend me anë të djegies.

Gjithashtu u gjetën dhe u sekuestruan në cilësinë e provës materiale edhe dy thasë me 20 kg Cannabis Sativa Operacioni i dytë në territorin e fshatit Shals, Bashkia Memaliaj ku u evidentua një kapanon me 2800 bimë në proces tharje.

Operacioni i tretë u krye në teritorin e fshatit Arrëz e Madhe, Bashkia Memaliaj ku u evidentuan dy kapanone me 1700 bimë narkotike në proces tharje, si dhe 15 kg Cannabis Sativa, e cila u sekuestrua në cilesinë e provës materiale. Bimët narkotike janë asgjësuar në vend me anë të djegies. Policia sqaron se vijon puna për evidentimin dhe kapjen e autorëve.





Lajmet e fundit nga