web counter
LEXO PA REKLAMA!

SHKARKO APP

App Store
Google Play

E fundit!

x

Berisha mungon në Parlament/ Takon ambasadoren greke në Shqipëri

27 Tetor 2016, 10:39, Aktualitet CNA

Në një kohë kur deputetët demokratë debatojnë me kryeministrin Rama në Parlament, ish kryeministri Sali Berisha takohet me ambasadoren e Greqisë në Tiranë.

Me anë të një postimi në rrjetet sociale, Berisha shkruan se, ?i urova ambasadores Sourani suksese në misionin e saj dhe shpreha mirënjohjen për ndihmën e madhe e të gjithanëshme që Greqia i ka dhënë Shqipërisë në këto 25 vite?, përcjell Citynews.al.

Postimi I Sali Berishës:

Të dashur miq, prita në një takim ambasadoren e Greqisë në vendin tonë, zonjën Eleni Sourani.

I urova ambasadores Sourani suksese në misionin e saj dhe shpreha mirënjohjen për ndihmën e madhe e të gjithanëshme që Greqia i ka dhënë Shqipërisë në këto 25 vite. Greqia i ka dhene nje ndihme te çmuar Shqiperise ne procesin e integrimit ne NATO dhe BE,emigracioni shqiptar ne Greqi dhe investimet greke ne Shqiperi kane peshen e tyre dhe kontributin e çmuar ne bashkepunimin midis vendeve tona.

Une shpreha optimizmin tim se marrëdhëniet midis dy vendeve tona, te cilat nuk kane asnje pretendim territorial ndaj njeri tjetrit, do përmirësohen vazhdimisht për të arritur nivelin që meritojnë.

Nënvizova se mes dy vendeve dhe popujve ka baza të forta për bashkëpunim dhe marrëdhënie miqësore e të shkëlqyera në të ardhmen. Problemet e trasheguara duhet te zgjidhen duke njohur realitetet. Sikunder mendoj se duhet shmangur nga kushdo perdorimi i tyre per qellime elektorale.

Ambasadorja më shprehu mirënjohjen për kontributin e dhënë në nënshkrimin e traktatit të miqësisë Shqipëri-Greqi që ishte një hap i rëndësishëm përpara në marredhëniet mes dy vendeve. Ajo theksoi se Greqia e sheh Shqipërinë si një partner dhe aleat në NATO dhe mbeshtet integrimin eruopian te saj.

Në takim nënvizova nevojën e njohjes së Kosoves nga Greqia, si një hap që i kontribuon stabilitetiti në rajon. Theksova se midis Kosovës dhe Greqisë nuk ekziston asnjë pengesë për njohjen, dhe marrëdhëniet dhe çështjet bilaterale midis Shqipërisë dhe Greqisë dhe zgjidhja e tyre nuk duhet ndikojnë raportet e Greqisë me Kosovën. Ambasadorja pohoi përparimin e marredhënieve te Greqisë me Kosovën, të udhëhequra nga interesi bilateral.

Theksova se qeveria greke, me dy vizita të ministrit të jashtëm ka treguar vullnet për ti çuar mardhëniet me Shqipërinë përpara. Në takim mbështeta pikëpamjen se Traktati i vitit 1996 perben një bazë solide në marredhëniet tona, dhe për zgjidhjen e çështjeve të mbetura pezull mes të dy vendeve, në interes reciprok te qytetarve ne të dy vendet. Por theksova gjithashtu se nëse ky traktat nuk do të ishte bllokuar nga qeverite socialiste që erdhen ne dy vendet tona ne pushtet pas firmosjes se Traktatit gjërat do mund të kishin ecur shumë më mirë.

Takimi ishte i hapur. /Citynews





Lajmet e fundit nga