web counter
LEXO PA REKLAMA!

SHKARKO APP

App Store
Google Play

E fundit!

x

FOTO SKANDALI/ Ujërat e zeza mbulojnë plazhin e Golemit

26 Tetor 2016, 09:43, Aktualitet CNA

Alarm mjedisor në plazhin e Golemit. Edhe pse ka disa javë që është mbyllur sezoni turistik sërish pallate, lokale, restorante dhe hotele pranë bregut vijojnë ti shkarkojnë ujërat e zeza në det.

Fotoreporteri i Citynews.al ishte në terren dhe siç shihet nga fotot e mëposhtme situata është me të vërtetë shumë e rëndë. Të gjitha ujërat e zeza derdhen në det ditë dhe natë duke shkaktuar jo pak probleme për qytetarët dhe turistët që duan ta kalojnë fundjavën në këtë zonë turistike.

Edhe pse para disa kohësh është inauguruar impianti i përpunimit të ujërave të zeza dhe është rinovuar rrjeti i kanalizimeve sërish gjendja duket e pandryshueshme edhe pse zgjidhja është fare e thjeshtë: lidhja e këtyre tubacioneve me rrjetin kryesor të kanalizimeve në mënyrë që derdhja e tyre të mos bëhet në det.

Kjo është një papërgjeshmëri e institucioneve shtetërore, të cilat nuk po marrin masa ndaj një problemi që do një kosto shumë të vogël për tu zgjidhur.

Bregdeti i Golemit dhe Durrësit vizitohet gjatë fundjavës nga shumë qytetarë të vetë zonës, Tiranës, Kosovës apo Maqedonisë.

Fotot e mëposhtme flasin vetë dhe nuk kanë nevojë për shumë komente… /Citynews





Lajmet e fundit nga