web counter
LEXO PA REKLAMA!

SHKARKO APP

App Store
Google Play

E fundit!

x

VIDEO - Dorëhiqet kryeministri i Malit të Zi/ Atentati ndaj meje mban firmën e Moskës

26 Tetor 2016, 09:33, Aktualitet CNA

Kryeminstri i Malit të Zi, Milo Gjukanoviç ka dhënë dorëheqjen disa orë pasi ka deklaruar se Rusia ishte e përfshirë në atentatin ditën e zgjedhjeve, duke akuzuar opozitën për bashkëpunim me Kremlinin.

Mali i Zi po heton përfshirjen e Rusisë dhe Serbisë në atentatin e parandaluar ndaj kryeministrit Milo Gjukanoviç. Kjo është bërë e ditur nga vetë kreu i kabinetit qeveritar të Malit të Zi për mediat vendase.

Kryeministri i Malit të Zi ka bërë të ditur se Rusia ka qenë e përfshirë në atentatin e dështuar ndaj tij në ditën e zgjedhjeve parlamentare.

Duke folur për mediat vendase ai tha se ngjarja e 16 Tetorit, gjatë së cilës u arrestuan 20 persona, ka një lidhje të fortë me një faktor të jashtëm. Mes të arrestuarve ishte edhe një ish-komandant i forcave speciale të policisë në Serbi.

Grupi në fjalë dyshohet se po planifikonte sulme ndaj vetë kryeministrit, por edhe mbështetësve të tij, menjëherë pasi rezultati i zgjedhjeve parlamentare të shpallej.

Gjukanoviç premtoi gjithashtu se autoritetet e vendit do të hetojnë shkallën e përfshirjes në atentatin e dyshuar, qoftë të Rusisë por edhe të Serbisë.

Partia e tij fitoi zgjedhjet, megjithatë asaj do t?i nevojiten partnerë koalicioni për të vijuar qeverisjen e vendit.

Rusia ka kundërshtuar me forcë përpjekjen e Malit të Zi për t?iu bashkuar NATO-s, ndërkohë që edhe udhëheqësit opozitarë të vendit kanë bërë vizita të shpeshta në Moskë gjatë kohëve të fundit. /Citynews





Lajmet e fundit nga