web counter
LEXO PA REKLAMA!

SHKARKO APP

App Store
Google Play

E fundit!

x

Shpërndahen 700 legalizime/ Meta: Të mos dëmtojmë potencialet turistike të Ishmit

24 Tetor 2016, 11:51, Aktualitet CNA

Kryetari i Kuvendit, Ilir Meta mori pjesë ceremoninë e dorëzimit të 700 lejeve të legalizimit në Ishëm të Durrësit. Në këtë aktivitet ishin të pranishëm Ministri i Mjedisit, Lefter Koka, Drejtori i Përgjithshëm i ALUIZNI-t, Artan Lame dhe Drejtori i ALUIZNI-t Durrës, Flamur Gjuzi.

Në fjalën e tij përshëndetëse para banorëve të Ishmit, Meta falenderoi drejtuesit e ALUIZNI-t për punën e madhe që kanë bërë brenda një kohe shumë të shkurtër.

Kryetari i Kuvendit u shpreh se komuniteti i Ishmit duhet të ndërgjegjësohet më shumë për të mos dëmtuar vlerat dhe potencialet turistike dhe mjedisore që kjo zonë ka.

?Dua të përshëndes z. Lame, Drejtorin e Përgjithshëm të ALUIZNI-t dhe z. Gjuzi, Drejtorin e ALUIZNI-t Durrës për punën e madhe që është bërë, sepse vërtetë në pak kohë është bërë ajo që nuk është bërë në 8 vite. Aq më tepër që kemi të bëjmë me legalizimin e pronave tuaja në një vend që ka shumë vlerë dhe që do të ketë akoma më shumë vlerë pas një procesi të suksesshëm të urbanizmin për të cilin edhe vetë komuniteti duhet të ndërgjegjësohet edhe më shumë. Është shumë e rëndësishme për të ardhmen të mos dëmtojmë vlerat dhe potencialet turistike dhe mjedisore të Ishmit. Sepse vërtetë është një bukuri përrallore për të përjetuar atë bukuri të jashtëzakonshme që ka riviera jonë në Jug duhet të shkosh 3-4 orë nga Tirana. Të njëjtën gjë mund ta përjetosh vetëm për 20 minuta nga Tirana po të vish në Ishëm?, tha Meta.

Gjithashtu, Kryetari i Kuvendit theksoi se kjo zonë ka një potencial të madh zhvillimi dhe me legalizimin e ndërtimeve hidhen disa hapa mjaft të rëndësishëm.

Meta u shpreh se kjo zonë do të ketë edhe një mbështetje më të madhe në fushën e turizmit apo bujqësisë.

?Do të jemi në dialog të vazhdueshëm me ju për të mbështetur edhe hapat e tjerë mjaft të rëndësishëm për zhvillimin e Ishmit sikurse është procesi i urbanizimit, por edhe zhvillimi i bujqësisë, i turizmit, mbrojtja mjedisit. Këto janë jetike për mirëqenien tuaj dhe njëkohësisht të kemi në konsideratë që Ishmi është një zonë me mjaft emër. Është një zonë e cila është e lidhur me një emër të madh të kulturës tonë kombëtare, por edhe ndërkombëtare si Ibrahim Kodra, por ka patur dhe mjaft personalitete të tjera. Prandaj të punojmë të gjithë me dashuri dhe me përkushtim për të ardhmen e Ishmit dhe unë besojë në bashkëpunimin tuaj në këtë drejtim?, u shpreh ndër të tjera Kryetari i Kuvendit.

Më tej, Meta shpërndahu 700 lejet e legalizimit për banorët e Ishmit. /Citynews

 





Lajmet e fundit nga