E fundit!

08:08 Politikë

Balla tallet me Agron Shehajn, mesazh protestuesve: Ky tradhtoi Lulin, Mulin, Saliun, e jo më ju

Kreu i Grupit Parlamentar të Partisë Socialiste Taulant Ba...

Policia nuk ka zbardhur 102 raste të grabitjeve në karburante

24 Tetor 2016, 09:43, Aktualitet CNA

Sot, ministri i brendshëm, në një dalje publike pranoi dështimin e policisë së shtetit për zbardhjen e grabitjeve të pikave të karburanteve. Sipas Tahirit, nga 170 grabitje janë zbuluar vetëm 40% e tyre.

Shifra e lartë e grabitjeve dhe dështimi në zbradhjen e tyre kërkohet të justifikohet nga ministri i brendshëm. Ai fajëson pikat e karburanteve që punojnë gjatë natës duke u kërkuar që të mos kenë shërbim 24 orë.

Një argument qesharak nga ana e tij, si në rastin e pak kohëve më pare me heqjen e fugonave nga qarkullimi ku Ministria e Brendshme dhe ajo e Transporteve e justifikonte me numrin e lartë të akisdenteve.

Mbyllim karburantet se ka grabitje, heqim fugonat se ka aksidente, heqim dritat se vidhet energjia e kështu me rradhë.

Përgjegjësinë për qarkullimin e grabitësve dhe mungesën e sigurisë gjatë natës e ka vetëm Policia e Shtetit. Është detyrë e saj që të parandalojë dhe të ruajë rendin dhe sigurinë publike dhe shpëtimin nuk mund ta gjejë duek mbyllur shërbimin 24 orë në piakt e karburanteve.

Mbyllja e tyre gjatë natës dhe vendosja e pajisjeve automatike ka dy kosto, të cilat Tahiri nuk i tregon:

Së pari, investimi për të vendosur pompa automatike apo pajisje që nuk kanë nevojë për një punonjës, por veprimet kryen duke future lekët në një kasë. Këto pajisje kushtojnë me mijëra euro dhe janë një kosto shtesë për bizneset. Kësaj kostoje Saimir Tahiri nuk I ve çmim, mjafton të justifikojë grabitjet e pazbuluara.

Nga ana tjetër, kreu i MB-së harron të thotë se vendoaj e pajisjeve të tilla automatike do të sillte menjëherë pushimin nhga puna të mijëra punëtorëve që punojnë gjatë turnit të tretë si punonjës dhe roje nate. Vendosja e kamerave dhe pajisjeve automatike i bën të panevojshëm punonjësit gjatë natës.

?Reforma? që kërkon ministri I brendshëm kërkon një investim disa miliona euro dhe hedh në rrugë mijëra punonjës në të paktën 1400 pika karburanti të raportuar zyrtarisht në Shqipëri. Këto kosto ministri do ti kursente në rast se policia do të ishte në krye të detyrës për të mbrojtur rendin dhe sigurinë duke arrestuar grabitësit dhe duke parandaluar grabitjet, jo duke mbyllur pikat e karburanteve. /Citynews