web counter
LEXO PA REKLAMA!

SHKARKO APP

App Store
Google Play

E fundit!

x

Rilindja Urbane në Përmetin që drejtohet nga PD/ Rama: Nuk na duhet i kujt është kryetari i bashkisë

23 Tetor 2016, 13:50, Aktualitet CNA

Kryeministri Edi Rama, i shoqëruar dhe nga Ministra të kabinetit të tij, inspektoi disa projekte në kuadër të rilindjes urbane, në Gjirokastër, Përmet, Tepelene dhe Këlcyrë.

Kreu i qeverisë tha se këto projekte po rikthejnë jetën në qytetet e lëna në harresë, ndërsa sipas tij ka shtim të ndjeshëm të turistëve.

Në Gjirokastër, kryeministri Edi Rama dhe Ministrja e Kulturës Mirela Kumbaro, panë nga afër punimet për restaurimin  e Pazarit të Gjirokastrës, ku parashikohet  konsolidimi dhe rivitalizimi i kompleksit të dyqaneve dhe ambienteve ndihmëse  si dhe rikonstruksioni i sheshit ?Çerçiz Topulli?.

?Ajo që ne duhet të bëjmë gjithmonë e më shumë me insistim, është që t?i ftojmë sipërmarrësit që të bëhen pjesë e këtij programi. Rrjeti i Shtëpive të Shkrimtarëve ku çdo shtëpie t?i vëmë emrin e një shkrimtari të dashur për Kadarenë, do ta bëjë shumë atraktive Gjirokastrën edhe nga kjo pikëpamje?, tha kryeministri Rama.

Kryeministri Rama, inspektoi rilindjen urbane dhe në Përmet, bashki e cia drejtohet nga demokrati Niko Shupuli.

Projekti me vlerë rreth 103 milion lekë parashikon krijimin e zonave rekreative, përmirësimin e ndriçimit dhe rikonstruksionin e rrugëve për këmbësorët, rikonstruksionin e rrugëve automobilistike, të shtëpisë së kulturës dhe rikonstruksionin e fasadave.

?Potenciali turistik i Përmetit është i jashtëzakonshëm. Krijimi i një qendre graviteti me qytetin që të jetë i konturuar bukur, është si magnet që fillon rrit shumë fluksin?, u shpreh Rama.

?Në investimet për Rilindjen Urbane i japim për Përmetin. Pastaj me kë është ky, e di ky, ne nuk na duhet kjo?, vijoi kryeministri.

Projektet e Rilindjes Urbane janë shtrirë gjithashtu edhe në bashkinë  e Tepelenës dhe atë të Këlcyrës. /Citynews





Lajmet e fundit nga