web counter
LEXO PA REKLAMA!

SHKARKO APP

App Store
Google Play

E fundit!

x

Yildirim: Nuk do të lejojmë shtet artificial në veri të Sirisë

5 Shtator 2016, 12:16, Aktualitet CNA

Kryeministri i Turqisë, Binali Yildirim, tha se qeveria e Ankarasë nuk do të lejojë që në veri të Sirisë të formohet një shtet artificial. Ai ka thënë se pas operacioneve ushtarake të ndërmarra përtej kufirit jugor mes Sirinë, ky rajon është pastruar nga të gjitha organizatat terroriste.

Ai u shpreh se rebelët sirianë të mbështetur nga forcat turke kanë detyruar çdo grup ekstremist në Sirinë veriore që të braktisin pozicionet e mbajtura prej tyre.

Turqia përveç Shtetit Islamik, e konsideron organizatë terroriste edhe milicinë e njohur si Njësitë e Mbrojtjes së Popullit. Ky grupim i armatosur është mbështetur shpesh herë nga Shtetet e Bashkuara në luftën kundër Shtetit Islamik.

Megjithatë, në bazë të informacioneve të fundit të përcjella nga kreu i ekzekutivit turk, këta militantë kurdë janë zhvendosur në lindje të lumit Eufrat.

Turqia ka patur një problem të vazhdueshëm më kurdët që kërkojnë autonominë e rajonit juglidor të vendit.

Konflikti ka nisur që të përshkallëzohet në vitet 80-të dhe që prej atëherë më shumë se 40.000 persona kanë humbur jetën.

Kurdët kanë organizuar sulme të ndryshme në juglindje të Turqisë, ku si objektivi kryesor i tyre kanë qënë ushtarët dhe policët.

Nga ana tjetër, ekstremistët e Shtetit Islamik kanë ekzekutuar dhjetëra sulme me bombë, për shkak se ushtria turke është rradhitur përkrah koalicionit ndërkombëtar të luftës kundër ISIS. /Citynews.al





Lajmet e fundit nga