Alibeaj: 6 ha drogë, 2 km nga rinasi, 20 km nga zyra e Ramës, janë të paprekshme

5 Shtator 2016, 11:08, Aktualitet CNA

Kreu i Departamentit të Rendit dhe Sigurisë në Partinë Demokratike, Enkelejd Alibeaj pas denoncimit dy ditë më pare për hashashin e mbjellë në Larushk në afërsi të Rinasit sot denoncon heshtjen e kryeministrit për këtë rast.

?Pas denoncimit dy ditë më parë nga kjo foltore, me prova, me foto e me video, për 50 mijë rrënjë drogë 2 kilometra larg Aeroportit Ndërkombëtar të Rinasit, Edi Rama heshti. Dhe Tahiri i tij, që së fundmi organizon ture festive nëpër ca parcela me kanabis, nuk u shfaq. Pse?

Sepse këto 6 hektarë me drogë, 2 kilometra larg Rinasit, 20 kilometra larg zyrës së Edi Ramës, janë me leje. Janë të paprekshme. Janë të Bushit?, shprehet Alibeaj.

Kreu i Departamentit të Rendit dhe Sigurisë Alibeaj tha se të gjithë janë në dijeni por biznesi kriminal ka lejen e kryeministrit.

?Të gjithë kanë dijeni, nga operativi i zonës, tek polici që ka shtëpinë ngjitur, shefi i komisariatit, drejtori i policisë, Tahiri, Rama; por e fshehin, e ruajnë, dhe po bëhen gati ta vjelin e ta hedhin në treg.

Pas denoncimit tonë dy ditë më parë, policia ka bërë sikur ka ndërhyre në një pjesë të parcelës. Ndërkohë që pjesa më e madhe qëndron aty dhe po nxitohet të mblidhet, edhe në këtë moment që flasim. Ky është sundimi i bandës së drogës në vend.Biznesi kriminal që bëhet në zemër të vendit, me lejen e Edi Ramës i cili është në krye të skemës së 30 përqind të përfitimit?, tha Alibeaj.

PD i bën thirrje shqiptarëve të largojë nga qeverisja kryeministrin dhe drogën nga vendi.

?Ka ardhur koha që shqiptarët të bashkohen, të ngrihen e të pastrojnë vendin nga droga, nga trafikantët, e nga kumbarët në qeveri. Shqipëria meriton zhvillim e punë të ndershme, jo krime e drogë.

Shqipëria dhe shqiptarët më mirë pa Edi Ramën?, theksoi Alibeaj. /Citynews.al