E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Lubonja: Për reforma të vërteta lipset një lëvizje e re njerëzish/ Rama premtoi ndryshim sistemi, por kriminelët janë aty

5 Shtator 2016, 09:20, Aktualitet CNA

Analisti i njohur Fatos Lubonja në një opinion për Gazetën Panorama shtron argumentat e tij ?Nga duhet filluar? puna për reforma të vërteta si reforma më drejtësi.

Pyetjes se ?Nga duhet filluar?? Lubonja i përgjgjet: ?Ka një përgjigje mjaft të thjeshtë për këtë: duhet ta fillojmë nga vetja që të ndryshojmë edhe sistemin?. Kjo është një thirrje për politikën veccanërisht për kreun e mazhorancës qeverisëse Ramën.

Duke iu referuar fjalëve të vetë kryeministrit Rama, Lubonja thotë se kryeministri nuk e do ndryshimin, deri sa nuk ka bërë gjë deri tani. ?Rama i porsaardhur në pushtet, deklaronte se për korruptimin e njerëzve e ka fajin sistemi jo individët, se edhe një gjerman po ta futësh në këtë sistem do të korruptohej. Pra ai nënkuptonte se do të ndryshonte sistemin. Ndërkaq, ajo çka ka bërë deri më sot (dhe që, sipas meje, synon ta përmbyllë edhe me drejtësinë) është pikërisht ndryshimi i njerëzve, jo i sistemit?, shprehet ai.

Lubonja jep argumentat e tij se si reforma kërkohet në Shqipëri.

?E pra, reforma e vërtetë që kërkohet në Shqipëri është ajo që do të synonte shpërbërjen e kësaj godine kriminale pushteti. Dhe të presësh që këtë ta bëjnë vetë arkitektët, ndërtuesit dhe konsoliduesit e saj është iluzion, sepse ata kanë dy arsye të forta që nuk i lejon ta bëjnë këtë. Së pari, ekonomike, sepse interesat e tyre materiale janë të lidhura ngushtë me mirëfunksionimin e kësaj godine dhe së dyti, psikologjike, sepse ata janë ?institucionalizuar? tashmë në këtë godinë. Jashtë kësaj godine dhe punës që bëjnë në të ata nuk i gjejnë dot më kuptim jetës?, thotë Lubonja.

Në lëvizjen e re që Lubonja thtoë se është e nevojshme për reformat ë vërteta ai argumenton:

?Ja pse kam ngulmuar dhe ngulmoj se për të kryer reforma të vërteta lipset një lëvizje e re njerëzish që duhet të synojnë shpërbërjen e kësaj godine dhe jo fuqizimin e saj, siç po ndodh.

Së pari, të mos ketë lidhje dhe sponsorizim nga krimi dhe kriminelët, çka do të thotë që ajo të planifikojë që bodrumi i godinës të spostohet në vendin që i takon, me një fjalë në burg, apo në fundërrinat e shoqërisë.

Së dyti, të kontestojë fort me shembullin e vet konfliktin e interesave që ka sot në Parlament, midis qenies në teori të politikanëve shërbëtorë të interesit publik dhe qenies së tyre realisht biznesmenë që e përdorin politikën për përfitimet e tyre personale.

Së treti, të kërkojë një reformë themelore në sistemin mediatik që do të pamundësojë ekzistencën e medieve manipuluese e disinformuese të publikut që punojnë për interesat e bodrumit, të katit të parë dhe të politikanëve të lidhur me ta dhe të stimulojë mediet e pavarura prej tyre.

Së katërti, në këtë lëvizje të katit të dytë duhet të përshihet edhe kërkesa që në shpërbërjen e godinës të kryhet edhe zhvendosja e zyrave të së ashtuquajturës shoqëri civile që ato të fillojnë të punojnë si kundërpeshë e pushtetit, siç i quan John Locke dhe jo si leva të partisë në pushtet, siç i quante Stalini dikur organizata të tilla, si organizatën e gruas, bashkimet profesionale, organizatën e rinisë etj.

Së pesti, për ta mbyllur me reformën në drejtësi: vetëm një lëvizje e tillë, që e fillon vetingun nga vetja dhe që punon seriozisht për ndarjen e kësaj godine kriminale, mund ndihet e lirë për t?i dhënë pushtetin ligjit dhe Drejtësisë mandatin për të qenë ajo gardiani i vetëm i tij?, shprehet Lubonja në opinionin e tij. /Citynews.al