web counter
LEXO PA REKLAMA!

SHKARKO APP

App Store
Google Play

Sot nis sezoni i ri i Kuvendit të Shqipërisë

5 Shtator 2016, 08:17, Aktualitet CNA

Nis sezoni i ri i Kuvendit të Shqipërisë. Seanca e parë e këtij sezoni pritet të nisë sot në orën 17.00.

Sesioni i shtatë i legjislaturës së tetë çelet zyrtarisht sot më 5 shtator.

Dy janë çështjet e nxehta që do të kalojnë me debate në Kuvend, paketa për reformën në drejtësi, e cila është në proces, dhe fushata për zgjedhjet lokale në Dibër, të cilat do të mbahen të dielën e 11 shtatorit. Brenda këtij sezoni në muajt në vijim do të jetë edhe një debat i përvitshëm ai që ndodh për buxhetin faktik të vitit të mëparshëm si dhe projektbuxhetin e vitit të ardhshëm.

Seanca e parashikuar për në orën 17:00 të pasdites do të paraprihet nga Konferenca e Kryetarëve. Ndërkohë rendi i ditës përbëhet nga 6 pika, ku mes të tjerave do të miratohet edhe proçesverbali i seancës së jashtzakonshme të 30 gushtit.

Po ashtu, kryeparlamentari Meta do të njoftojë edhe projektligjet e depozituara në Kuvend që do të jenë fillimisht pjesë e debateve në Komisione.

Gjatë seancës do të votohet edhe Programi i Punës së Kuvendit për periudhën 5 shtator ? 14 tetor si edhe kalendari trejavor i Parlamentit.

Në fund,  deputetët do të kenë një orë në dispozicion për diskutime për çështje jashtë rendit të ditës. /Citynews.al





Lajmet e fundit nga