web counter
LEXO PA REKLAMA!

SHKARKO APP

App Store
Google Play

E fundit!

x

Kapen 25.7 kg kanabis në Kakavijë, në pranga dy shoferë autobuzi

4 Shtator 2016, 08:02, Aktualitet CNA

Policia ka sekuestruar 25 kg e 700 gr lëndë narkotike e dyshuar Cannabis Sattiva.  Arrestohen në flagrancë dy shoferët e autobuzit , në të cilin u konstatua lënda narkotike.

Më datë 03.09.2016, në kuadër të planit të masave të goditjes së trafikut të lëndëve narkotike, në P. K.K. Kakavijë, nga punonjësit e Policisë Kufitare në vijën e dytë u evidentua dhe u godit një tjetër rast i trafikut të lëndëve narkotike.

Shërbimet e Policisë Kufitare gjatë kontrollit në vijën e dytë, të ushtruar në autobuzin e linjës Shkodër -Athinë me targa ITM 8162 që drejtohej nga shtetasit : Angjelin Suta , 39 vjeç, banues Lezhë dhe Anastas Naska , 47 vjeç, banues në Ura Vajgurore ,Berat , kanë evidentuar disa pako të dyshimta të mbështjella me natriban ,të cilat ishin të fshehura në një vend të përshtatur mbi gomat e pasme.

Menjëherë kanë bërë bllokimin e autobuzit, duke njoftuar grupin hetimor si dhe Specialistët për Narkotikët në Drejtorinë Vendore të Policisë Gjirokastër.

Gjatë kontrollit të imtësishëm nga grupi hetimor, u gjetën të fshehura në këtë vend të përshtatur 40 pako të mbështjella me natriban me lëndë të dyshuar narkotike e llojit Cannabis Sattiva, me peshë totale 25 kg e 700 gr.

Këto pako u sekuestruan në cilësinë e provës materiale si dhe u sekuestrua dhe autobuzi.

Gjithashtu u bë arrestimi në flagrancë i drejtuesve të autobuzit për veprën penale “Trafikimi i narkotikëve i kryer në bashkëpunim “, parashikuar nga neni 283/a/2 i Kodit Penal.

Materialet proçeduriale do t’i referohen Prokurorisë së Krimeve të Rënda Tiranë. /Citynews.al





Lajmet e fundit nga