web counter
LEXO PA REKLAMA!

SHKARKO APP

App Store
Google Play

E fundit!

x

Llalla rihap dosjen e Gjiknurit, kërkesa e KLSH rinis hetimet

4 Shtator 2016, 07:47, Aktualitet CNA

Prokuroria do të rihapë dosjen për ministrin e Energjisë, Damian Gjiknuri, i kallëzuar nga KLSH për marrëveshjen me kompaninë CEZ. Para disa javësh, organi i akuzës mbylli dosjen për të gjithë të akuzuarit mbi të ashtuquajturën ?Dosja CEZ?, përfshirë ministrin Gjiknuri, Avokaten e Shtetit, Alma Hicka dhe ish-ministrat e qeverisë ?Berisha?, të paditur nga Ministria e Energjisë.

Dosja është rihapur për shkak të ridepozitimit të saj nga Kontrolli i Lartë i Shtetit. Sapo u pushuan hetimet, mësohet se KLSH kërkoi që të rihapen, me argumentin se aty ka elemente të veprës penale. Për këtë arsye, pas kësaj kërkese, dosja është rihapur dhe do nisin nga e para hetimet.

Sipas të përditshes sot lajmi konfirmohet edhe nga burime nga KLSH, që kanë konfirmuar se janë vënë në dijeni për rihapjen e hetimeve. KLSH e ka kallëzuar Gjiknurin dhe Hiskën se me marrëveshjen për të mos dërguar çështjen në Arbitrazh i ka shkaktuar shtetit 479 milionë euro. Me afrimin e reformës në drejtësi, janë rihapur edhe hetimet për dy dosje të rëndësisë ssë madhe, hetimeve për Ardian Fullanin, dhe dosja Gjiknuri.

Në tetor të 2015, Kontrolli i Lartë i Shtetit kallëzoi penalisht ministrin e Energjitikës, Damian Gjiknuri dhe Avokatin e Shtetit, Alma Hicka. KLSH arriti në përfundimin se shtetit shqiptar i është shkaktuar një dëm financiar prej 479 milionë eurosh nga marrëveshja për zgjidhjen me mirëkuptim mes palëve e arritur nga qeveria dhe grupi çek Cez, i cili ishte pronar i 76 përqind të aksioneve të operatorit të sistemit të shpërndarjes. /Citynews.al

 

 





Lajmet e fundit nga