web counter
LEXO PA REKLAMA!

SHKARKO APP

App Store
Google Play

E fundit!

x

Sot, Shenjtërimi i Nënë Terezës në Vatikan

4 Shtator 2016, 06:28, Aktualitet CNA

Sot mbahet në Vatikan ceremonia e Shenjtërimit të Nënë Terezës. Sot 19 vjet pas ndarjes nga jeta të humanistes së madhe shqiptare Papa Francesku shenjtëron Nënë Terezën murgeshën trupvogël ,e cila la gjurmë në kujtesën e botës për veprën e saj në ndihmë të të varfërve në emër të dashurisë për Zotin.

Një ditë më parë Papa Francesku në festimet për këtë ditë është shprehur: ?Eshte nder të shpallim të shenjtë Nënë Terezën. Ta imitojmë për të dhënë gëzim e shpresë. Nënë Tereza na ka bërë të krenohemi?.

Në ceremoninë për shenjtërimin e Nënë Terezës pritet të ketë rreth 100 mijë besimtarë të pranishëm e ndër ta një numër të madh shqiptarësh.

Gonxhe Bojaxhi me origjinë nga Kosova, u njoh botërisht si Nënë Tereza e Kalkutës. Ajo u lumturua më 19 tetoer 2003, nga papa Gjon Pali II. 4 shtator 2016 do të shënohet si data e shenjtërimit të nënë Terezës nga kasha katolike, indianët shqiptarët dhe të gjithë ata që kanë vlerësuar veprën e nënëTerezës.

Nënë Tereza u vlerësua me çmimin Nobel për Paqen në vitin 1979, ndërsa ka mbetur në kujtesë deklarata e saj: ?Kam lindur në Shkup, jam shkolluar në Londër, jetoj në Kalkutë dhe punoj për të gjithë njerëzit e varfër në botë. Atdheu im është një vend I vogël me emrin Shqipëri?.

Nënë Tereza gjithnjë mbante veshur mantelin e bardhë me shirita blu të Urdhërit të misionarëve të bamirësisë, të cilin ajo vetë e ngriti në vitin 1950. Ajo shrehej modeste për punën e saj, por njëkohësisht e vlerësonte të domosdoshme atë duke e cilësuar ?një   pikë lehtësimi në një oqean vuajtjesh?, por sipas saj ?nëse kjo pikë nuk do të egzistonte do t?I mungonte detit?.

Nënë Tereza e kudogjendur për të varfrit u nda nga jeta më 5 shtator 1997, në moshën 87 vjeç, pas një gjysëm shekulli shërbim të varfërve në Indi e botë. Trupi I saj prehet në Selinë e Urdhrit të Misionarëve të Bamirësisë në Kalkuta. Para se të dnahej nga jeta ajo kishte 4000 motra, në 610 shtëpi misionare, në 123 vende të botës. /Citynews.al





Lajmet e fundit nga