Trump rithekson politikat e ashpra për imigrantët e paligjshëm

1 Shtator 2016, 19:43, Aktualitet CNA

Ata që shpresonin për një qëndrim më të butë nga Donald Trumpi ndaj imigracionit, tani i kanë humbur shpresat. Kandidati republikan për President rikonfirmoi angazhimin e tij për të marrë masa ndaj imigrantëve pa dokumenta që jetojnë në Shtetet e Bashkuara, në një fjalim në Feniks të Arizonës, disa orë pas takimit të zhvilluar me Presidentin e Meksikës Enrike Penja. Zoti Trump foli në Arizona për temat qendrore të fushatës së tij.

Zoti Trump parashtroi një plan me 10 pika për të ndalur imigrationin e paligjshëm, duke u kujtuar votuesve temën që i dha hov fushatës së tij në radhët e republikanëve, në veçanti qëndrimin e prerë ndaj elementëve kriminalë që kishin hyrë ilegalisht në Shtetet e Bashkuara.

Zoti Trump premtoi gjithashtu të krijojë një forcë të re speciale që do të deportonte të gjithë imigrantët pa dokumenta nga Shtetet e Bashkuara në vendet e tyre të lindjes.

?Mes përparësive tona të rendit do të jenë largimi i kriminelëve, anëtarëve të bandave, heqja e kërcënimeve të sigurisë, shmangia e qëndrimit pa viza, akuzave publike. Bëhet fjalë për ata që mbështeten tek ndihma sociale, apo që sforcojnë sistemin, si edhe miliona imigrantë të paligjshëm që sapo kanë arritur nën këtë administratë të korruptuar?.

Ai ritheksoi planin për të ndërtuar një mur përgjatë kufirit me Meksikën dhe për t?ia kaluar koston e murit Meksikës.

?Dhe Meksika do të paguajë për murin. 100 për qind. Ata ende nuk e dine por do të paguajnë për murin. Dhe ata janë njerëz të mrekullueshëm, udhëheqës të zotë, por do të paguajnë për murin. Që ditën e parë, ne do të fillojmë të punojmë për një mur kufiri në jug, të padepërtueshëm, të gjatë, të fuqishëm dhe të bukur?.

Disa republikanë të moderuar i kishin bërë presion zotit Trump të zbuste tonin për imigracionin, veçanërisht komentet e mëparshme se do të deportonte 11 milionë imigrantë të paligjshëm, të cilët janë futur në vend gjatë viteve të fundit.

Toni agresiv i fjalimit të zotit Trump ishte në një kontrast të thellë me paraqitjen e tij të qetë më herët në një konferencë shtypi me presidentin meksikan Enrique Pena Nieto në Qytetin e Meksikos.

Zoti Trump u tha gazetarëve si ai dhe Pena Nieto nuk diskutuan nëse Shtetet e Bashkuara apo Meksika do të paguanin për murin që ka propozuar ai. Por në një sërë mesazhesh në Twitter, udhëheqësi meksikan këmbënguli se i kishte thënë zotit Trump se vendi i tij nuk do të paguante.

Trump tha se nuk do të pranojë refugjatë nga vende si Siria dhe Libia, duke propozuar në vend të kësaj ?zona risistemimi? në rajonet e tyre për të cilat do të paguajnë vendet e Gjirit Persik. Shkurtimisht, ai e cilësoi politikën e tij si vendosjen e vendit përsëri në kontroll.

“Ne do t?i trajtojmë të gjithë ata që jetojnë dhe banojnë në këtë vend me dinjitet të lartë? tha Trump. ?Ne do të jemi të drejtë dhe të dhimbsur për të gjithë, por dhembshuria më e madhe jona duhet të jetë për qytetarët amerikanë.”

Në një miting të zonjës Clinton të mërkurën ajo i cilësoi Shtetet e Bashkuara si një forcë glolabe për ?liri, drejtësi dhe dinjitet njerëzor?, duke thënë se njerëzit e shohin vendin si një udhëheqës. Ish sekretarja e Shtetit kritikoi vizitën e Trumpit në Meksikë duke thënë se ndërtimi i marrëdhënieve kërkon konsistencë dhe seriozitet.

“Sigurisht që duhet shumë më tepër sesa të përpiqesh të mbulosh një vit fyerje dhe shpifje duke vizituar fqinjët tanë për pak orë dhe duke u kthyer përsëri në vend. Nuk funksionon kështu,” tha zonja Clinton.

Më pas ajo shkroi në Tweeter se Trumpi kishte dështuar në proven e parë për politikën e jashtme.

“Diplomacia nuk është aq e lehtë sa duket,” shkroi Clinton.

Peña Nieto e kishte ftuar zonjën Clinton gjithashtu për bisedime në kryeqytetin Mexico City, por fushata e saj nuk ka vendosur se kur do të ndodhë kjo vizitë.

Presidenti meksikan tha gjatë një konferencë për shtyp me zotin Trump se është përparësia e tij të mbrojë meksikanët kudo që ata janë dhe se ata që jetojnë në Shtetet e Bashkuara janë njerëz të talentuar dhe të ndershëm që respektojnë familjen, komunitetin dhe ligjin.

Peña Nieto e quajti gjithashtu kufirin një pasuri për të dyja vendet. Ai tha se amerikanët që e shohin atë si një rrugë për kalimin e drogës dhe imigracionit të paligjshëm nuk kanë një pasqyrë të plotë të situatës dhe se Shtetet e Bashkuara duhet të bëjnë gjithcka të mundur për të ndaluar armët dhe paratë që rrjedhin për tek kartelet e drogës në Meksikë.

Ish-Sekretarja e Shtetit, Hillary Clinton, rivalja demokrate e Trumpit në zgjedhjet e nëntorit, i tha një grupi veteranësh ushtarakë dje se udhëtimi i shkurtër i zotit Trump në Meksikë nuk ishte një demonstrim i mirë i aftësive udhëheqëse që duhet të ketë një president amerikan.

“Nuk është vetëm për t?u dukur, duhet të kesh qëndrueshmëri dhe besueshmëri. Në fakt është si të ndërtosh marrëdhënie personale, njerëzit duhet ta kuptojnë se mund të kenë besim, se nuk do të thuash një gjë sot dhe diçka krejt tjetër nesër dhe sigurisht duhet më shumë sesa të përpiqesh të korrigjosh një vit fyerjesh dhe nënkuptimesh, duke vizituar për disa orë fqinjët dhe duke u kthyer prapë. Nuk funksionon kështu.?

Zoti Trump e siguroi mbështetjen më të madhe gjatë gjithë fushatës me një retorikë që Pena Nieto e ka quajtur ofenduese për popullin meksikan. Zoti Trump ka thënë se fiqnji jugor i Shteteve të Bashkuara vjedh vende pune, dërgon përdhunues, kriminelë dhe vrasës përtej kufirit dhe nuk bën shumë përpjekje për të ndalur imigrantët e paligjshëm.