web counter
LEXO PA REKLAMA!

SHKARKO APP

App Store
Google Play

E fundit!

x

Saviano, Lazarati, ISIS/Nga Kastriot MYFTARAJ

28 Gusht 2016, 21:54, Opinione CNA

Disa ditë më parë Roberto Saviono tha se në Shqipëri, organizata të lidhura me ISIS kontrollojnë kultivimin dhe tregtinë e cannabis sativa në Lazarat. Në Shqipëri deklarata u quajt një lajthitje e Savianos. Por Saviano nuk është aspak lloji i njeriut që thotë marrëzira për të bërë bujë. Kur Saviano thotë diçka për të bërë bujë këtë e bën sepse ai bashkëpunon me shërbimet e fshehta italiane dhe ato amerikane për të thënë gjëra të cilat këto shërbime duan të qarkullojnë publikisht, që të shohin se çfarë reagimi do të ketë. Qëllimi është që të verifikohen disa informata.
Kjo është një lojë e llojit: Të trazojmë shkurret me një shkop për të parë nëse do të lëvizë diçka atje.
Reagimi i opinionit publik nuk është interesi kryesor në këto raste. Interesi kryesor është për të parë lëvizjet që ndodhin në botën e narkotrafikut. Saviano në librin ?Zero? pranon se ai e bën një rol të tillë për llogari të Policisë dhe shërbimeve të fshehta amerikane dhe italiane.
Saviano nuk ka dashur të thotë se Lazarati është bërë një territor i kontrolluar nga Shteti Islamik. Ai thjesht ka thënë se atje mund të jetë duke vepruar një organizatë, e cila ka lidhje me ISIS. Një informatë që duhet verifikuar. Rutinë normale e shërbimeve të fshehta.
A duhet kryqëzuar Saviano për këtë? Ironia është se më të zellshëm në kryqëzimin e tij tregohen ata të cilët për shumë vite kanë qenë më të zellshëm për ta damkosur Lazaratin si ?Kolumbia? e Europës. Merret vesh, këta njerëz nuk dinin as emrin e një zone të Kolumbisë të njohur për kultimin e drogës, që ta përdornin për të etiketuar këtë fshat shqiptar, por e krahasonin me një shtet të madh.
Sa të drejtë ka Saviano në ato që thotë? Ekzistojnë fakte që krijojnë dyshimin e arsyeshëm se duhen bërë hetime në linjën që thotë ai. Kështu, forcat policore hynë shumë lehtë në Lazarat në qershor 2014, praktikisht si të ishin duke bërë stërvitje. Një vit më pas, në qershor 2015, në Lazarat u vra një oficer i forcave special, Ibrahim Basha, i cili ishte një musliman praktikues. Ky ishte i pari dhe i vetmi polic i vrarë në ?Kolumbinë? e Europës siç e quanin Lazaratin kur ishin në opozitë ata të cilët kur erdhën në pushtet bënë ndërhyrjen policore në Lazarat.
I vrari ishte edhe i pari nga policët e vrarë të cilit iu bë një ceremoni religjioze në xhami me rastin e vdekjes, duke u dërguar atje arkivoli me kufomën. Vrasja mbetet ende e paqartë dhe ata që janë arrestuar duket se nuk kanë lidhje me të. I ndjeri ka shumë gjasa që të jetë përdorur si negociator nga shteti për të bërë negociata me një grup të llojit për të cilin flet Saviano. Për diçka nuk u mbajt premtimi dhe për këtë e pagoi me jetë negociatori.
Nëse Saviano gabon në diçka totalisht, ai gabon kur thotë ISIS ka depërtuar vetëm në Lazarat. Qeveria ?Rama?, e cila u mburr se mori nën kontroll Lazaratin, tashmë ka dorëzuar te organizatat kriminale kontrollin mbi krejt territorin e vendit sa i përket kultivimit të cannabis sativa. Kjo është një situatë e favorshme që muslimanët aktivë shqiptarë, të ashtuquajtur radikalë, por që më saktë do të ishte të quheshin ?aktivë?, të krijojnë zonat e tyre të kontrollit.





Lajmet e fundit nga