web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet një person, asgjësohen 2400 bimë kanabis

26 Gusht 2016, 11:53, Aktualitet CNA

Policia e Pukës ka asgjësuar 2400 bimë narkotike të kultivuara në 1 parcelë si dhe sekuestrohen 2 armë zjarri: një pushkë model ? 56 dhe një automatik model ? sharrs. Policia ka vënë në pranga shtetasin Kujtim Përndoj, 29 vjeç, banues në fshatin Ungrej, Lezhë.

Nga Shërbimet e Komisariatit të Policisë Pukë , në vijim të kontrollit të territorit për goditjen e kultivimit të bimëve narkotike, në bazë të informacioneve të siguruara në rrugë operative, kanë bërë të mundur zbulimin e një sipërfaqe ku ishte kultivuar bimë narkotike dhe u bë arrestimi në flagrancë i shtetasit Përndoj.

Më datë 25.08.2016 gjatë kontrrollit të ushtruar në vendin e quajtur “Laku i Mollës” fshati Mollë Kuqe, njësia administrative Qafë Mali , Fushë Arrëz u konstatua 1 parcelë me 2400 bimë narkotike të llojit cannabis – sattiva të cilat u asgjesuan me anë të djegies, 2 armë zjarri , 40 cope fisheke model-56, dhe 20 cope fisheke të kalibrit 9 mm të cilat u sekuestruan në cilësinë e provës materiale si dhe u arrestua në flagrancë shtetasi i lartëpërmendur.

Gjatë momentit që forcat policore kanë kapur në flagrancë shtetasin Kujtim Përndoj bëhet me dije se janë dëgjuar të shtëna armësh në distancë, por jo në drejtim të forcave policore dhe nuk ka të dëmtuar.

Gjithashtu po punohet për identifikimin dhe kapjen e personave që kanë përdorur armë zjarri  gjatë operacionit policor.

Materialet i’u referuan Prokurorisë së Rrethit Gjyqësor Pukë për veprat penale “Prodhim dhe mbajtje pa leje e armëve luftarake” dhe “Kultivimi i bimëve narkotike” të kryera në bashkëpunim parashikuar nga nenet 278,  284 e 25 të Kodit Penal. /Citynews.al





Lajmet e fundit nga