E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Policia e Tiranës ka dalë me reagim zyrtar lidhur me helmi...

Ristani: Rama do të vjedhë votën me banditë e kërbaç

23 Gusht 2016, 11:03, Aktualitet CNA

Partia Demokratike akuzon kryeministrin Edi Rama se nga frika e humbjes po mobilizon banditë për të vjedhur votën në zgjedhjet e 11 shtatorit në Dibër.

?Në panik nga humbja e sigurtë dhe e thellë në Dibër, Edi Rama ka thirrur banditë dhe mercenarë me shpresën se atë që nuk e merr dot me votë do ta marrë me dajak e me kërbaç.

Përveç bandave të drogës të cilat mbështetjen e Ramës për biznesin kriminal duhet ta shlyejnë me shantazhim të qytetarëve për zgjedhjet e 11 shtatorit, Rama ka thirrrur nën armë edhe të tjerë si Arben Noka, i raportuar dje nga media?, shprehet sekretari i Përgjithshëm i PD-së, Arben Ristani.

Partia Demokratike nëpërmjet deklaratës për shtyp thekson se Rama theu kontratën me qytetarët dhe tani po forcon atë me trafikantët e kriminelët. ?Dibra po rikonfirmon se aleanca e vetme e Edi Ramës është ajo me trafikantët e kriminelët. Pasi ka prishur kontratën me qytetarët me mashtrimet e tij, pasi ka shkelur me dy këmbë çdo premtim ndaj dibranëve të cilët i ka zhytur në skamje dhe papunësi sepse nuk bëri asnjë investim, nuk hapi asnjë vend të ri pune, nuk bëri asnjë kilometër rrugë, Rama i kthehet të vetmit pakt që ka mbajtur në këto 3 vite, paktit me krimin?, thuhet në deklaratën e PD-së.

Sekretari i Përgjithshëm i PD-së, Arben Ristani thekson se Ramës i ka ardhur fundi ndaj dhe ka gjedhur këtë rrugë.

?Ai shpreson se krimi do ta shpëtojë nga gjykimi i popullit me votë. Por ky është gabimi tipik i nje sundimtari që i ka ardhur fundi. Asnjë trafikant, kriminel, asnjë bandë nuk do ta shpëtojë Edi Ramën nga gjykimi i popullit me votë. Ai dhe banditët e tij do të përballen me fuqinë e pathyeshme të bashkimit popullor. Fundi i sundimit të Edi Ramës dhe bandës së tij, do të vërtetohet masivisht më 11 shtator. Çlirimi nga banda nis në Dibër, dhe shqiptarët mbarë do t?i hapin rrugën zhvillimit, punësimit, rendit e sigurisë. Shqipëria do të jetë më mirë pa Edi Ramën?, thekson Ristani në deklaratën e tij. /Citynews.al