web counter
LEXO PA REKLAMA!

SHKARKO APP

App Store
Google Play

KQZ: Partitë politike respektuan afatet për anëtarët e KQV-ve

23 Gusht 2016, 10:30, Aktualitet CNA

Komisioni Qendror i Zgjedhjeve bën të ditur se partitë politike respektuan afatin ligjor, dorëzuan në KZAZ nr. 19 propozimet për anëtarëve të KQV-ve.

?Ka përfunduar afati për paraqitjen e propozimeve për anëtarë të Komisioneve të Qendrave të Votimit pranë KZAZ-së nr. 19 në Dibër, për zgjedhjet e pjesshme në Bashkinë Dibër, të datës 11.09.2016.

Komisioni Qendror i Zgjedhjeve, bën me dije se në zbatim të Kodit Zgjedhor dhe akteve të KQZ-së në fuqi, pranë KZAZ-së nr. 19, Dibër, kanë paraqitur të gjithë propozimet e tyre për anëtarët e Komisioneve të Qendrave të Votimit që do të ngrihen për zgjedhjet për kryetar të bashkisë Dibër, Partia Socialiste, Partia Demokratike, Lëvizja Socialiste për Integrim dhe Partia Republikane?, bëhet e ditur në deklaratën për shtyp të Komisionit Qëndror të Zgjedhjeve.

Sipas KQZ-së Komisioni Zonal i Administrimit Zgjedhor (KZAZ nr.19) po përpunon dokumentacionin përkatës, për të verifikuar përmbushjen e kritereve ligjore për propozimet për anëtarë të KQV-ve.

?Menjëherë pas emërimit të tyre KQZ do të trajnojë të gjithë komisionerët e Qendrave të Votimit, mbi aspekte të ndryshme të Kodit Zgjedhor dhe procesit zgjedhor në tërësi.

Komisioni Qendror i Zgjedhjeve, po punon intensivisht për organizimin dhe administrimin e procesit zgjedhor për kryetar të Bashkisë Dibër, dhe ditën e mërkurë, datë 24 gusht, në mbledhjen e radhës do të shqyrtojë projektvendimin për caktimin e Vendit të Numërimit të Votave të KZAZ-së nr. 19, si dhe do të hedhë shortin për renditjen e subjekteve zgjedhore në fletën e votimit?, thuhet në deklaratën e KQZ. /Citynews.al





Lajmet e fundit nga