web counter
LEXO PA REKLAMA!

SHKARKO APP

App Store
Google Play

E fundit!

x

Kanosen me armë, bien në pranga

23 Gusht 2016, 09:50, Aktualitet CNA

Ndërhyrja e menjëhershme e policisë ka parandaluar përshkallëzimin e pasojave të mëtejshme të një ngjarje. Dy vëllezër dhe një shtetas tjetër kanosin me armë zjarri njëri-tjetrin dhe arrestohen nga Policia e Krujës. Kështu u vunë në pranga: Erind Balla 32 vjeç, banues në Borizanë,Thumanë, Krujë; Rilind Leka 40 vjeç,  banues në Borizanë,Thumanë, Krujë dhe Indrit Leka 32 vjeç, banues në Borizanë,Thumanë, Krujë.

Arrestimi i tyre u bë pasi një natë më parë, rreth mbrëmjes, në Borizanë, pas një konflikti për motive të dobëta, vëllezërit Leka, kanë kanosur me armë gjahu shtetasin Erind Balla.

Gjithashtu edhe shtetasi Erind Balla ka kanosur me armë zjarri tip pistoletë vëllezërit Leka duke qëlluar disa herë në ajër.

Pas kapjes së autorëve u ushtruan kontrolle në banesat e shtetasve të mësipërm dhe në automjetin tip Opel Vektra, me targa AJ 067 XË, të cilës i ishin thyer të gjitha xhamat, në pronësi të shtetasit Erind Balla u gjetën dhe sekuestruan në cilësinë e provave materiale: arma e zjarrit pistoletë, tip TT, model 54, kalibër 7.62mm, që i përkiste shtetasit Erind Balla; tre armë gjahu, të cilat u gjetën gjatë kontrollit të ushtruar në banesën e shtetasit Indrit Leka; 1 krëhër me 6 copë fishekë pistolete, kalibër 7.62mm, të cilat u gjetën gjatë kontrollit të ushtruar në makinën e shtetasit Erind Balla; 2 gëzhonja mod 54, kalibër 7.62mm, në vendin e ngjarjes.

Gjithashtu, filloi proçedimi penal në gjendje të lirë të shtetasit S.Leka 39 vjeç, banues në Borizanë, Krujë.

Materialet i kaluan për veprime të mëtejshme Prokurorisë së Rrethit Gjyqësor Krujë. /Citynews.al





06:20 Aktualitet

Shpërthim në RTK

Një shpërthim i fuqishëm ka ndodhur te transmetuesi i valëve...

Lajmet e fundit nga