E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zgjedhjet në Dibër fusin në konflikt koalicionin/LSI nuk pranon të mbështesë kandidatin socialist

23 Gusht 2016, 09:31, Aktualitet CNA

LSI kërkon punësim militantësh në Dibër në këmbim të mbështetjes në zgjedhjet e 11 shtatori. Ky është momenti që LSI ka shfrytëzuar për rishikimin e marrëveshjes së 2013, e cila sipas Lëvizjes Socialiste për integrim nuk është zbatuar.

Sipas gazetës Sot, Ashtu si në pjesën dërrmuese të bashkive të vendit, edhe në Bashkinë e Dibrës, Lëvizja Socialiste për Integrim ka akuzuar Partinë Socialiste se nuk ka zbatuar marrëveshjen e 2013 dhe ka shfaqur ankesa për mungesën e bashkëpunimit nga ana e socialistëve, sa i takon punësimit dhe ndarjes së posteve në administratë. Në këto kushte, zgjedhjet në Dibër do t?i shërbejnë LSI për të vendosur me ?shpatulla pas murit? socialistët, të cilët do të detyrohen të rishikojnë marrëveshjen e 2013 për pushtetin vendor sipas kushteve të reja që do të vendosë LSI, ose në rast të kundërt nuk do të gëzojnë mbështetjen e aleatit të koalicionit qeverisës për kandidatin e PS për kryetar bashkie, Muharrem Rama.

Sipas burimeve për gazetën ?Sot?, strukturat drejtuese të LSI në Dibër kanë kërkuar një takim me socialistët, ku synojnë zbatimin e një marrëveshjeje që do të ketë në thelb punësimin e militantëve të LSI në pushtetin vendor dhe ndarjes së posteve në administratën publike, në këmbim të mbështetjes që do të ofrojë kjo forcë politike për kandidatin e PS, e cila ka si qëllim të rimarrë me çdo kusht sërish Bashkinë e Dibrës pas largimit të ish-kryebashkiakut Shukri Xhelili. Sipas burimeve, LSI e ka bërë të qartë se nuk jep mbështetje nëse nuk realizohet një marrëveshje të tillë. Dje ishte parashikuar që të zhvillohej një takim mes dy strukturave, por ajo u anulua në minutat e fundit, duke lënë pezull bashkëpunimin.

Marrëdhëniet PS-LSI, kohët e fundit janë acaruar së tepërmi. Ishte reforma në drejtësi ajo që nxori më shumë në pah divergjencat brenda koalicionit qeverisës, ndërsa zgjedhjet për Bashkinë Dibër janë ato që do të vulosin të ardhmen e koalicionit. /Citynews.al