web counter
LEXO PA REKLAMA!

SHKARKO APP

App Store
Google Play

E fundit!

x

Deklarata bombë e Kryeprokurorit të Pesaros/Mafia shqiptare, e 5-ta në Itali

15 Gusht 2016, 08:53, Aktualitet CNA

Mafia shqiptare renditet e 5-ta në Itali, madje vjen menjëherë pas organizatave mafioze të njohura historikisht si Kamorra, Cosa Nostra, Ndragheta dhe Sacra Corona Unita.

Deklarata është bërë nga Kryeprokurori i Pesaros, Manfredi Palumbo.

?Corriere Adriatico?, e cila i referohet deklaratës së prokurorit Italian shkruan se klani i shqiptarëve në Itali është Mafia e 5 që vepron në vendin tonë. E nuk e them sot për herë të parë?.

Prokurori Palumbo deklaron se që para 18 vitesh ka paralajmëruar rrezikun që vinte nga përtej Adriatikut.

?Ishte viti 1998, që para 18 vitesh që kam dhënë nga të parët alarmin mbi rrezikun që vinte përtej Adriatikut. Ishte epoka e zbarkimeve të para në brigjet italiane dhe e kriminalitetit për të fituar me anë të ligjit të terrorit, territore zotërimi për t?i shfrytëzuar për prostitucion e trafik droge?, thotë Kreu i Prokurorisë së Pesaros.

Ditët e fundit policia italiane sekuestroi1820 kg marijuanë dhe arrestoi 5 shtetas shqiptarë që trafikonin lëndën narkotike me gomone nga Shqipëria drejt brigjeve italiane. Kjo ishte një sasi rekord e lëndës narkotike të sekuestruar nga karabinierët për sasinë e drogës që qarkullonte nga brigjet shqiptare në ato italiane.

Katër organizatat mafioze italiane

? Kamorra mafia napoletane

? Cosa Nostra, mafia siciliane

? Ndragheta, mafia calabraze

? Sacra Corona Unita, mafia pulieze.

/citynews/





Lajmet e fundit nga