web counter
LEXO PA REKLAMA!

SHKARKO APP

App Store
Google Play

Mjetet lundruese, policia akuza bashkive/ Nuk kanë vendosur asnjë shenjë dalluese përgjatë vijës bregdetare

6 Gusht 2016, 14:19, Aktualitet CNA

Policia e Shtetit ia hedh përgjegjësinë pushtetit vendor në lidhje me kaosin e lëvizjes së mjeteve lundruese në distanca më të afërta me bregun, seç parashikohet në ligj.

Pas aksidentit të ndodhur në Himarë, ku një turist rus humbi jetën pasi u përplas nga një mjet lundrues, Policia e Shtetit u vu në lëvizje për të kontrolluar mjetet lundruese.

Por gjatë kontrollit është vënë re se përgjatë të gjithë vijës bregdetare, nga veri-perëndimi deri në jug nuk ekzistojnë shenjat dalluese dhe korridoret nga ku duhet të kalojnë mjetet lundruese. Vendimi i Qeverisë parashikon që këto mjete duhet të lëvizin në një distancë 300 metra nga bregu, por përgjatë vijës bregdetare nuk ekziston vendosja e shenjave që do të mundësojnë respektimin e vendimit.

Në kushte të tilla, policia thotë se është detyrë e pushtetit vendor që të marrë masat, duke vendosur shenjat dalluese.

Drejtori i Kufirit në Policinë e Shtetit, Genc Merepeza, pohon se policia e ka të pamundur të patrullojë të gjithë vijën bregdetare për të parë nëse respektohen apo jo distancat.

Në këto kushte ai apelon për bashkëpunim me qytetarët, në mënyrë që të parandalohen apo shmangien ngjarje tragjike si ajo e ndodhur në Himarë, tre ditë më parë. /citynews/





Lajmet e fundit nga