web counter
LEXO PA REKLAMA!

SHKARKO APP

Sulmohet Londra/Një grua e vdekur, 5 të plagosur

4 Gusht 2016, 06:22, Aktualitet CNA

5 persona janë plagosur dhe një grua ka mbetur e vdekur pas një sulmi me thikë në qendër të Londrës.

Ngjarja ka ndodhur mbrëmjen e së mërkurës  në sheshin Russell. Sipas policisë sulmi ka lidhje me terrorizmin.

Një 19 vjeçar i cili mendohet të ketë lidhje me sulmin është arrestuar në vendin e ngjarjes pak para mesnatës më 3 gusht.

Gruaja është trajtuar nga shërbimi mjekësor i emergjencës, por më pas është deklaruar e vdekur. Nuk janë dhënë detaje rreth gjendjes së të plagosurve.

 

Në vendin e ngjarjes janë dërguar njësi të shumta policore, zonë kjo ku gjendet Muzeu Britanik dhe Universiteti i Londres.

I menjëhershëm ka qënë edhe reagimi i Kryebashkiakut të Londrës, Sadik Khan, i cili fillimisht shprehu ngushëllimet e tij për familjarët e viktimës dhe personave të plagosur. Ai kërkoi që qytetarët të qëndronin të qetë, por edhe vigjilentë pas këtij agresioni tronditës.

Edhe në këtë rast nuk është përjashtuar mundësia e një sulmi të mundshëm terrorist. Kujtojmë që në sheshin Russell ka ndodhur tragjedia e 7 korrikut të vitit 2005 ku pasi katër ekstremistë pasi aktivizuan katër bomba, vranë 52 njerëz ndërkohë që numri i të plagosurtve e kaloi shifrën 700./Citynews





Lajmet e fundit nga