web counter
LEXO PA REKLAMA!

SHKARKO APP

App Store
Google Play

Denoncimi me video/Ja si po i vjedhin banorët e Himarës

4 Gusht 2016, 12:55, Aktualitet CNA

Nikollaq Neranxi ka publikuar një video që i përket një mbledhjeje të Këshillit Bashkiak të Himarës për çështjen e planit të ri urbanistik. Në video shfaqen debatet dhe kundërshtitë e banorëve për shpronësimin e tyre. Biznesmeni Neranxi i bën thirrje edhe kryeministrit Rama që të shohë videon në fjalë.

Komenti i Nikollaq Neranxit

Të dashur miq! Kjo që do shihni në video, është një pjesë nga mbledhja e Këshillit Bashkiak të Himarës e datës 3 gusht, ku banorëve ju propozohet plani i ri urbanistik. Situata është e njëjtë si në të gjitha mbledhjet e tjera.

Përfaqësues të pushtetit vendor dhe qendror dhe firmat kontraktuese që i tregojnë himariotëve se cfarë duan të bëjnë me qytetin e tyre dhe himariotët që pyesin të revoltuar, të stresuar, të zhgënjyer, se kur do na i ktheni pronat, pse na i grabisni, pse doni të na e shkatërroni vendlindjen tonë?

Në emër të banorëve të Himarës i bëj thirrje, që këtë video ta shohë Kryeministri i Shqipërisë Edi Rama, pasi ata njerëz që duan ta shkatërrojnë Himarën, thonë që na ka sjellë pushteti qendror!

Zoti Kryeministër, në emër të banorëve të Himarës, iu bëj thirrje që ti jepni një zgjidhje këtij problemi kaq të madh! Nuk ka kuptim të vazhdoni të bëni turistin në Himarë, a thua se cdo gjë shkon perfekt. Të kemi dhënë votën që të nxisni zhvillimin, jo shkatërrimin dhe grabitjes e Himarës! Trego sot që je në anën tonë, sepse nesër do të jetë shumë vonë!

Nga Komuniteti Himariot

Nikollaq Neranxi, Drejtor Ekzekutiv





Lajmet e fundit nga