web counter
LEXO PA REKLAMA!

SHKARKO APP

App Store
Google Play

E fundit!

x

Sezoni turistik/1125 pacientë i janë drejtuar qendrave shëndetësore në bregdetin e Vlorës

2 Gusht 2016, 08:03, Aktualitet CNA

Mbi 1125 pacientë kanë marrë shërbim shëndetësor në të 5 Qendrat Shëndetësore të hapura përgjatë vijës bregdetarë në Bashkinë e Vlorës, ku vetëm javën e fundit rezulton se janë kryer rreth 400 vizita dhe mjekime.

Të dhënat janë pohuar nga ministri i Shëndetësisë,  Ilir Beqaj, gjatë vizitës  që ka kryer në Qendrën Shëndetësore të Orikumit.

“Besoj se ka lehtësuar mbarëvajtjen e sezonit turistik veror duke i dhënë mundësinë mysafirëve, pushuesve, vizitorëve, turistëve të marrin një shërbim shumë më pranë por besoj duke i dhënë edhe më shumë mundësi operatorëve turistikë që në paketat e tyre të kenë edhe garancinë e një kujdesi shëndetësor shumë më pranë vendeve ku ata kanë zgjedhur të pushojnë”, tha Beqaj.

Garanci dhe lehtësim për mbarëvajtjen e sezonit turistik, e ka cilësuar ai funksionimin e këtyre qendrave, duke pohuar se, tashmë, janë marrë të gjitha masat për funksionimin e këtyre qendrave.

?Sa i përket statistikave, rezulton se në të pesë qendrat e Vlorës kemi rreth 1125 raste të pacientëve që kanë kërkuar ndihmë që nga fillimi i sezonit, por duket që do të kemi më shumë ngarkesë, pasi vetëm javën e fundit janë vetëm 390 raste që kanë patur nevojë dhe kanë marrë shërbim?, tha Beqaj.

Ndërkohë që mjekët e Qendrës Shëndetësore të Orikumit theksuan se gjatë 24 orëve paraqiten lloje të ndryshme të problematikave shëndetësore, por kryesisht ato lidhen me problematikat e stinës dhe sezonit turistik. /citynews/

 





Lajmet e fundit nga