web counter
LEXO PA REKLAMA!

SHKARKO APP

App Store
Google Play

E fundit!

x

Cigaret/ Doganat 'vjelin' 11 milionë euro më shumë 6 mujorin e parë

2 Gusht 2016, 07:45, Aktualitet CNA

Gjashtëmujori i parë i vitit 2016 ka treguar qartë se konsumi i cigares nuk është ulur prej ligjit antiduhan.

Sipas të dhënave nga doganat importet e cigares janë rritur me 24 për qind ne gjashtëmujorin e parë, duke çuar në arkën e shtetit 11 milionë euro më shumë se në të njëjtën periudhë të  2015.

Sipas doganave arsyet e performancës pozitive përveç përmirësimit të vazhdueshëm të administrimit lidhen me një situatë të normalizuar të fluksit të importeve të pandikuar nga ndryshimet e nivelit të taksimit për vitin 2016 për cigare.

Në gjashtëmujorin e parë të 2016 u importuan 1,353 tonë cigare nga 1,084 më 2015. Viti i kaluar ka  shënuar rekordin për dobësitë në zhdoganimin e cigareve. Në atë kohë ministri i Financave arsyetoi se ulja e importeve ishte rrjedhojë e efekteve të ligjit antiduhan që kishte ulur konsumin e për rrjedhojë edhe importet.

Burimet nga tregu pohojnë se konsumi i cigares në vend është mbi 4 mijë tonë, duke komentuar se shifrat entuziaste të zhdoganimeve të gjashtëmujorit janë ende poshtë importeve reale.

Ministria e Financave vlerëson se për vitin 2016, importet e cigareve në vend do të jenë rreth 3100 ton, 334 ton cigare më shumë.

Vlerësimi për këtë rritje të importeve të cigareve sipas Ministrisë së Financave vjen me masat e ndërmarra nga qeveria në luftën ndaj informalitet, që kanë një shtyllë të rëndësishme koordinimin e punës së administratës doganore me institucionet e tjera në vend për të miradministruar akcizën e cigares, sidomos prodhimin vendas./Monitor





Lajmet e fundit nga