E fundit!

07:35 Ekonomi

Pas vizave e “braktisën”, këtë vit turistët nga Kosova i rikthehen sërish Shqipërisë

Shqipëria vazhdon të mbetet destinacioni kryesor i pushues...

Raporti zviceran/Pushtetarët shqiptarë vijojnë të fshehin jashtë vendit paratë

2 Gusht 2016, 07:00, Aktualitet CNA

Pastrimi i parave në Shqipëri vijon të jetë në nivele ende të larta, krahasuar me shtetet e Bashkimit Evropian. Instituti i Bazelit për Qeverisjen ka publikuar ditët e fundit indeksin e pastrimit të parave për 2016 dhe vendi ynë ka ngjitur disa shkallë duke pësuar rritje të shumta, por sërish ndodhemi ndër më problematikët në Evropë.

Sipas raportit, pushtetarët e korruptuar shqiptarë dhe krimi i organizuar po nxitojnë të pastrojnë dhe fshehin jashtë vendit paratë e krimit dhe të korrupsionit. Drejtoria e Pastrimit të Parave në vendin tonë e ka theksuar disa herë se paratë e korrupsionit dalin jashtë vendit, teksa në raport evidentohet ky fenomen. Sa i takon indeksit për 2016, Shqipëria vlerësohet me 5.04, ndërsa një vit më parë indeksi ishte 5.52, raporton Sot.

Pra ka një përmirësim me 0.52%. Sipas vlerësimit, sa më i lartë është indeksi, aq më i lartë është dhe niveli i korrupsionit dhe pastrimit të parave. Vendi ynë ndodhet në pozitën e 102.

Krahasuar me gjithë vendet e botës, nga 149, ne jemi në vendin e 102, ku kemi përmirësime me 16 vende krahasuar me vjet. Por këto përmirësime janë kryesisht me vendet aziatike dhe afrikane që janë me nivele të lartë pastrimi parash, pasi krahasuar me vendet e BE, ndodhemi në fund të listës. Nga 28 vende të BE, ne lëmë pas vetëm 5 prej tyre.

Por ajo që duhet theksuar është se krahasuar me vendet e rajonit, ne kemi pasur përmirësime shumë të larta. Pjesën dërrmuese prej tyre i kemi lënë pas, teksa dhe në dokument është përmendur arritja e Shqipërisë, pasi ka një përmirësim prej 16 vendesh.

Megjithatë, krahasuar me vendet ku ne duam të integrohemi, jemi ende në vendin ku pastrimi i parave është ende problem. Sipas dokumentit, shumë prej tyre dalin dhe jashtë vendit. Parat që pastrohen janë kryesisht të korrupsionit dhe të krimit. Vendet me nivele të ulta parash janë Finlanda dhe Lituania.

Instituti i Bazelit për Qeverisjen ka sqaruar në raportin e tij se ky përfundim është arritur bazuar në rreth 14 indikatorë, të cilët janë analizuar më pas nga ekspertët.

Sipas tyre, shkaku kryesor se përse këto vende kanë nivel të lartë pastrimi parash, është korrupsioni dhe shteti i dobët ligjor.

?Vendet me të ardhura të ulta mbeten në krye të listës së indeksit të pastrimit të parave. Arsyet e mundshme gjenden në problemet strukturore dhe funksionale të shteteve, kryesisht niveli i lartë i korrupsionit, mungesa e një sistemi të fortë gjyqësor, mungesa e kapaciteteve për të kontrolluar sistemin financiar dhe mungesa e transparencës publike dhe financiare?, thuhet në raport. Lidhur me metodologjinë që është ndjekur për të arritur në të tilla përfundime, në raport theksohet se janë marrë në analizë indikatorët e gjetur në bazë të të dhënave të nxjerra nga Baka Botërore, Transparency International, etj.

Më pas janë ekspertët që bëjnë një analizim të tyre dhe në sajë të llogaritjeve është arritur në konkluzionin se Shqipëria renditet mes vendeve me nivel të lartë pastrimi parash.