web counter
LEXO PA REKLAMA!

SHKARKO APP

App Store
Google Play

Konçensioni i Rrugës së Kombit/PD: Rama aferë të pastër korruptive

31 Korrik 2016, 11:09, Aktualitet CNA

Partia Demokratike akuzoi Kryeministrin Edi Rama për aferë të pastër korruptive në koncension për rrugën e Kombit. Zëdhënësja e PD-së tha se Qeveria ka shkelur kriterin ligjor në tender, kriter që vetë e kishte vendosur, ku u përcaktua se firma më e favorizuar në garë do te ishte ajo që do kërkonte me pak fond rimbursimi nga qeveria.

“Edi Rama shpalli fituese kompaninë turke, edhe pse ka kërkuar 600 mijë euro më shumë fond rimbursimi se sa operatori tjetër në këtë garë”, tha Ina Zhupa.

Deklarata e PD

Thellohet skandali me taksën 10 euro që Edi Rama ka vendosur mbi kurrizin e shqiptarëve për një kalim në Rrugën e Kombit.

Përveçse një barrë e re mbi qytetarët e xhepat e tyre të lodhur e të varfëruar, fakte të reja tregojnë se kemi të bëjmë me një aferë të pastër korruptive.

Qeveria ka shkelur kriterin ligjor në tender, kriter që vetë e kishte vendosur, ku u përcaktua se firma më e favorizuar në garë do te ishte ajo që do kërkonte me pak fond rimbursimi nga qeveria.

Ndërkohë, Edi Rama shpalli fituese kompaninë turke, edhe pse ka kërkuar 600 mijë euro më shumë fond rimbursimi se sa operatori tjetër në këtë garë.

Taksa e re 10 euroshe e Edi Ramës ndaj shqiptarëve jo vetëm është e padrejtë por është vendosur mbi një aferë ku është shkelur haptazi konkurenca dhe ligji.

Qytetarët janë me të drejtë të revoltuar nga taksa Rama për Rrugën e Kombit. Partia Demokratike përkrah qëndrimin e qytetarëve dhe ne i sigurojmë shqiptarët se do ta anullojmë këtë koncesion sapo të marrim përgjegjësinë e drejtimit të vendit./citynews/





Lajmet e fundit nga