web counter
LEXO PA REKLAMA!

SHKARKO APP

App Store
Google Play

E fundit!

x

Albana Vokshi: Duhet të ringjallim shpresën dhe besimin tek qytetarët!

30 Korrik 2016, 17:58, Aktualitet CNA

Deputetja demokrate Albana Vokshi është shprehur se demokratët duhet të rikthejnë shpresën dhe besimin tek qyteterët e zhgënjyer nga qeveria e Rilindjes. Në Kuvendin e Degës 7 të Partisë Demokratike, Vokshi tha se PD mbetet sërish e vetmja alternativë për Shqipërinë, e vetmja shpresë për të ardhmen.

“3 vjet pasi humbëm zgjedhjet, Partia Demokratike mbetet sërish e vetmja alternativë për Shqipërinë, e vetmja shpresë për të ardhmen.

Ne jemi e vetmja forcë që mund të sjellim investime, ekonomi të fortë, zhvillim dhe mirëqenie.

Prandaj përgjegjësia jonë sot eshtë më e madhe. Ne nuk kemi thjesht përgjegjësi para anëtarëve dhe mbështetësve te PD. Por para gjithë shqiptarëve që tani e dallojnë qartë diferencën mes nesh dhe rilindasve të Edi Ramës. Kemi përgjegjësinë që sërish duhet të marrim përsiper misionin e çuarjes përpara të vendit.” shprehet Vokshi.

Ajo thekson se zhgënjimi nga politika është i madh. “Sot është shumë më e vështirë se dje. Zhgenjimi nga politika është i madh, dëshpërimi i njërëzve me gjendjen ku ndodhen po aq i madh.

Ne na duhet ta ringjallim shpresën, besimin. Ndaj duhet që të gjejmë më të mirët mes nesh, ata që do na drejtojnë në këtë kohë të vështirë për gjithë shqipërinë.” përfundon deputetja demokrate Vokshi./citynews





Lajmet e fundit nga