E fundit!

12:34 Aktualitet

Dita e Ashures/ Mesazhi i Baba Mondit: Lutjet tona shkojnë për ata që vuajnë nga luftërat

Besimtarët bektashinj kanë kremtuar sot Ditën e Ashures, n...

Nga Mentor Kikia/ Kur do ti vihet fre kësaj maskarade politike?

29 Korrik 2016, 16:41, Aktualitet CNA

Me banorët e fshatit Muriqan, në Elbasan, duke diskutuar për rolin e komunitetit në qeverisje. Si të bëhen më aktivë, si ti kërkojnë llogari atyre që u japin votën. Në fshat, është keq sa të ulesh për të diskutuar, se po u ule nuk ngrihesh dot më. Hallet nuk kanë të sosur dhe nëpër fshatra rrëllë ndodh që dikush të kalojë e ti pyesë njerëzit se si janë. Kandidatët për deputete kanë kalur këtu para tre vjetësh dhe nga pranvera tjetër do të duken sërish per zgjedhjet e radhës. Ata kanë nevojë për kanale vaditëse e kulluese, për ujë të pijshëm. U habita që banorët kërkonin kazanë mbeturinash sepse nuk donin që ti hidnin më mbeturniat në lumë. Kërkonin kanalizme ujërash të zeza, pasi të gjitha derdhen në sipërfaqe dhe fshati po qelbej e njerëzit kërcënohen nga epidemitë. Ankoheshin se një i fortë, me letra false i kishte rrethuar gjysmën e tokave të fshatit, plot 50 hektarë. Ishte një i ?madh? që vinte nga Tirana, dhe tokën e kishte rrethuar me tela me gjemba duke ndërtuar sera të mëdha për të mbjellë jonxhë. Por fshatarët e dinë që aty nuk mbillet jonxhe por një bime tjetër që rritet shpejt dhe shitet shtrenjë. Majde ata thonë se 2-3 herë në javë, natën vjen nje helikopter që ngarkohet me ?jonxhë?.
Ishin të gënjyer e të zhgënjyer, të mashtruar e të nëpërkëmbur, të mllefosur dhe të revoltuar. Shumica, gati të shisnin shtëpinë me gjithë tokë e të ikin. Por unë i thashë: Mos ikni, keni votën, përdoreni. Ata qeshën dhe shikuan nga një burrë, ishte karrocieri që kishte shpërndarë miellin në zgjedhjet para 3 viteve. Një thes miell për shtëpi dhe 2 mijë lekë për votë. Kaq vlen demokracia në Shqipëri. Kjo është maskarada që quhet zgjedhje që nderkombëtarët i certifikojnë si ?më të mira se ato të kaluarat?. Ky është degradimi që shoqëria po pëson në mënrë tragjike, sepse politika ka degjeneruar në një organizatë kriminale e cila vjedh dhe zhvat, e me ca thërrime nga paratë e vjedhura u blen pushtetin fukarenjve për të vazhduar ti shtypë sërish.
Por vitin tjeter e kane ndare mendjen. Do ua hedhin miellin ne kanal. Bashke me voten. Te gjitha partive. Ne kanalin e mutit – tha njeri. Keshtu quhet kanali ku derdhen ujerat e zeza qe qelbin fshatin.