E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Reforma në Drejtësi/ Ja gjyqtarët dhe prokurorët që do kalojnë të parët në sitë për t’u emëruar në strukturën antikorrupsion

26 Korrik 2016, 06:52, Aktualitet CNA

Struktura e Posaçme Antikorrupsion konsiderohet si elementi kyç i reformës në drejtësi. Gangrena më e madhe e gjyqësorit shqiptar është korrupsioni dhe qëllimi i reformës është pikërisht pastrimi prej tij. Kjo do të realizohet përmes SPAK, e cila me mbështetjen e Byrosë Kombëtare të Hetimit do të kontrollojë dhe politikanët. Pyetja që lind normalisht është se cilët gjyqtarë apo prokurorë do jenë pjesë e kësaj strukture? Gazeta ?SOT? kontaktoi me anëtarin e PS në komisionin e reformës, Ulsi Manja, i cili ka treguar se pasi të ngrihet kjo strukturë do të shkrihet Gjykata dhe Prokuroria e Krimeve të Rënda dhe do u jepet një shans prokurorëve dhe gjyqtarëve që janë aty që të kalojnë te SPAK. Por edhe sipas përcaktimeve në ligj, të parët që do kenë fatin që të kalojnë në këtë strukturë janë pikërisht ata që gjykojnë dhe hetojnë sot veprat korruptive, pasi ato kanë kaluar në kompetencë të Krimeve të Rënda. Sipas ligjit për statusin e gjyqtarëve e prokurorëve, sapo të ngrihet struktura gjyqtarët dhe prokurorët që kalojnë vetingun nëse duan kalojnë direkt te SPAK, por më parë të gjithë të afërmit e tyre duhet të firmosin se janë dakord që të kontrollohen llogaritë bankare dhe tabulatet telefonike.

?Përveç rasteve kur ekzistojnë shkaqe për ndërprerjen e detyrës në përputhje me ligjin, gjyqtarët në detyrë në Gjykatën e Krimeve të Rënda të shkallës së parë ose Gjykatën e Apelit të Krimeve të Rënda, konsiderohen magjistratë të ngritur në detyrë në nivelin përkatës në Gjykatat Kundër Korrupsionit dhe Krimit të Organizuar në momentin e krijimit të tyre, me kushtin që të plotësojnë kushtet e sigurisë të vendosura në ligjin specifik?, thuhet në ligj.

Më tej theksohet se, Këshilli i Lartë Gjyqësor konfirmon gjyqtarët në detyrë brenda afatit 2-javor, pas kalimit me sukses të procesit të rivlerësimit. Në rast se gjyqtari nuk konfirmohet, ai kalon gjykatës në një gjykatë tjetër.

Prokurorët

Në ligj është përcaktuar dhe se si do veprohet me prokurorët aktualë te Krimet e Rënda. Nëse ata plotësojnë kriteret, konsiderohen si magjistrat të promovuar tek Prokurorinë e Posaçme në momentin e krijimit të saj, me kusht që ata të plotësojnë kushtet e sigurisë të përcaktuara në ligjin specifik, vetëm në rast se nuk ka arsye për të përfunduar para kohe mandatin në kuptim dhe zbatim të kreut për ndërprerjen e mandatit të këtij ligji ose si rezultat i procesit të rivlerësimit në përputhje me këtë ligj. Në rast se ky numër është më pak se 10, pozicionet e lira do të shpallen menjëherë në përputhje me ligjin. Në rast se Këshilli përcakton se nevojiten më shumë se 10 Prokurorë special, do të shpallen pozicionet e lira. Këshilli i Lartë i Prokurorisë konfirmon prokurorët në detyrë brenda afatit dy javor pas kalimit me sukses procesin e rivlerësimit.

Emrat

Më poshtë gazeta ka zbardhur emrat e gjyqtarëve dhe prokurorëve të Krimeve të Rënda që pritet t?u hapet rruga që të futen në SPAK. Sipas burimeve, jo të gjithë do pranojnë që të jenë pjesë e saj, pasi dihet se ata së pari do i nënshtrohen një kontrolli të rreptë. Familjarët do jenë në monitorim dhe çdo bisedë a llogari bankare e tyre do kontrollohen. Po ashtu dhe tani pasuria dhe vendimet e tyre do kontrollohen. Pra, para se të kalojnë aty ata do kalojnë të gjithë në sitë bashkë me familjarët e tyre. Edhe pse pritet të ketë refuzime, disa prej emrave të mëposhtëm do jenë ata që do gjykojnë dhe do arrestojnë të korruptuarit./SOT