E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Clinton pret konfirmimin, dorëhiqet kryetarja e komitetit demokrat

25 Korrik 2016, 20:44, Aktualitet CNA

Partia Demokratike në Shtetet e Bashkuara do të mbajë përgjatë tre ditëve të ardhshme konventën partiake, ku pritet që kandidatja Hillary Clinton të nominohet për garën Presidenciale. Kjo forcë politike duket disi e përcarë, pas publikimit të afro 19.000 emaileve nga sajti wikileaks, ku tregohej qartësisht se zyrtarët e partisë ishin munduar që të pengonin fushatën e kandidatit Bernie Sanders dhe të favorizonin atë të Clinton. Për këtë arsye, kryetarja e komitetit Debie Vaserman Shuls dha dorëheqjen vetëm pak orë më parë.

Kryetarja e Komitetit Kombëtar të Demokratëve, Debbie Wasserman Schultz, ka dhënë dorëheqjen vetëm pak orë përpara nisjes së konventës së kësaj force politike, duke krijuar një situatë disi të destabilizuar. Kjo lëvizje vjen pas publikimit të afro 19.000 emaileve nga sajti vvikileaks, ku tregohej se disa zyrtarë të lartë të partisë ishin munduar që t?i shkaktonin probleme kandidatit të tërhequr tashmë nga gara, Bernie Sanders. Ngjarja ka shkaktuar mjaft polemika në prag të nisjes së konventës, teksa senatori i Vermontit, në një komunikatë për mediat u shpreh se komiteti demokrat e ka përkrahur Hilary Clintonin që në fillim të fushatës.

?Nuk ka asnjë dyshim se Komiteti Kombëtar i Demokratëve e ka përkrahur Klinton që prej ditës së parë. Të gjithë e dimë dicka të tillë. Kemi nevojë për një parti e cila është e hapur ndaj të rinjve dhe që nuk e bazon aktivitetin tek interesat e mëdha financiare, por tek familjet e zakonshme?, u shpreh senatori i Vermontit, raporton Ora. Konventa e demokratëve e cila do të zhvillohet në Philadelphia përgjatë tre ditëve të ardhshme pritet të konfirmojë Hillary Clinton si kandidate zyrtare në garën presidenciale.

Ish-sekretarja e Shtetit pritet të ketë një tjetër plus të madh, teksa, Michael Bloomberg, i cili ka qënë kryebashkiak i Nevv Yorkut nga rradhët e republikanëve do t?a mbështesë publikisht Clinton. Michael Bloomberg është personi i gjashtë më i pasur në Shtetet e Bashkuara dhe personi i tetë më i pasur në botë.