web counter
LEXO PA REKLAMA!

SHKARKO APP

App Store
Google Play

E fundit!

x

Fotot-Bashkia e Korçës përplaset me biznesmenët/ Bllokohen dyqanet tek pazari  

26 Korrik 2016, 10:24, Aktualitet CNA

Bashkia e Korçës i ka kërkuar mëngjesin e sotëm, disa prej  bizneseve që operojnë në Pazarin e Korçës të mbyllin aktivitetin e tyre. Kjo kërkesë erdhi pas një shkrese të Bashkisë Korçë ku përcaktohej lloji i aktivitetit që mund të operonte në këtë zonë, pas restaurimit.

Citynews mësoi se pronarët e bizneseve janë shprehur kundër këtij vendimi, pasi pretendojnë se në shkresën e bashkisë thuhet për transferim ose për qëndrimin në po të njëjtën zonë duke pranuar kushtet e bashkisë për llojin e aktivitetit. Pas disa orëve protesta dhe përplasje, bashkia mbylli dyert e bizneseve , ndërkohë që policia  shoqëroi në komisariat këdo që e kundërshtonte këtë vendim.

Debatet

Burime nga vendngjarja thanë për citynews se të pranishëm tek pazari i Korçës ishin përfaqësues të PD-së në Korçë dhe Drejtori i Departamentit te te Ardhurave dhe Kontrollit te Territorit Kletjon Kita, si përfaqësues i bashkisë.
Përfaqësuesit e PD-së dhe Kita patën debate të forta me njëri-tjetrit. Sipas opozitës, vendimi i për mbylljen e bizneseve është i paligjshëm pasi në shkresën e bashkisë së Korçës, nuk thuhej për mbyllje të bizneseve, por për transferim.

Nga ana tjetër, Kletjon Kita, duke iu drejtuar pronarëve të dyqaneve është shprehur se ata janë njoftuar nga bashkia për largimin e mallit. Përfaqësuesit e PD-së, thanë se bashkia kishte që në orën 09:00 që kërkonte të mbyllte bizneset pa asnjë shkresë. Pas debateve, përfaqësuesi i bashkisë Korçë i tregoi atyre shkresën e Bashkisë, por sipas drejtuesve të PD në Korçë ajo shkresë nuk ishte e ligjshme./citynews





Lajmet e fundit nga