web counter
LEXO PA REKLAMA!

SHKARKO APP

App Store
Google Play

Video/ Policia jep detaje për shpërthimin e mjetit lundrues në Himarë

25 Korrik 2016, 13:31, Aktualitet CNA

Citynews raportoti sot me video një shpërthim të ndodhur në ujërat e plazhit të Himarës, ku një skaf u përfshi nga flakët duke krijuar panik tek pushuesit.

Policia e Vlorës ka dhënë detaje mbi ngjarjen e ndodhur.

Burime nga forcat e rendit bëjnë me dije se ngjarja ka ndodhur në vijën bregdetare të Himarës, pranë vendit të quajtur “Llaman”, ku mjeti lundrues tip skaf “Liburnet 1” dyshohet se për shkak të nxehjes së motorit ka filluar të marrë flakë dhe për pasojë janë shpëtuar nga ndërhyrja e Policisë Kufitare, 2 shtetasit, të cilët ishin pjesë e bordit të këtij skafi A.B., banues në Durrës (drejtues i mjetit lundrues) dhe D.D., me banim në Durrës (pasagjer).

Dyshohet se ngjarja ka ardhur për shkaqe aksidentale, pasi sipas deklarimeve të 2 personave të bordit, atyre u është fikur motori 200 m larg bregut të “Gjirit të Filikurit”, Himarë dhe në tentativë për ta ndezur përsëri, motori ka dhënë shkëndijë elektrike duke pasuar kështu me përhapjen e flakëve të zjarrit.

Policia sqaron se mjeti lundrues ka qenë konform rregullave ligjore, aktualisht situata është nën kontroll, kryhen veprimet e mëtejshme nga Policia Kufitare.

Më poshtë, video eksluzive e publikuar nga citynews





Lajmet e fundit nga