E fundit!

16:20 Aktualitet

Si u zhvillua operacioni për kapjen e Braçellarit dhe kur nisën të shtënat?/ Pjesë nga dosja hetimore e vrasjes së efektivit në Korçë

Janë zbardhur pjesë nga dosja hetimore për vrasjen e efekt...

Shkresa e Lu-së për Llallën si letrat e Presidentit Nikson për Ngujen Van Thieun

15 Korrik 2016, 16:42, Aktualitet CNA

Nga Gjergj Thanasi

Presidenti Nikson në vitin 1973 u bind nga kryediplomati Kisinger se e vetmja mënyrë, që Amerika të dilte nga qorrsokaku i luftës në Indokinë, ishte të shiste Ngujen Van Thieun, Presidentin e Vietnamit të Jugut së bashku me vetë Vietnamin e Jugut, Kamboxhien dhe Laosin te komunsitët vietnamezo veriorë. Presidenti Thieu e kuptoi se amerikanët jo vetëm, që mund të shkelnin marrëveshje xhentëlmenësh të bëra me gojë e me një shtrëngim duarsh, por edhe mërrëveshje zyrtare ndërshtetërore.

Intermexo

Historia u përsërit me Ukrainën e cila në fillim të viteve 90-të të shekullit të kaluar hoqi dorë nga një arsenal goxha i madh armësh bërthamore, vetëm pasi SHBA-ja dhe Anglia garantuan me shkrim, me firmë e vulë kufijtë e saj, në Akordin e Budapestit. Kur Rusia e rilindur putiniane i dhunoi haptas kufijtë e Ukrainës duke aneksuar Krimenë, SHBA-ja jo vetëm nuk reagoi me armë, por nxirrte një qind e një arësye për të vonuar dërgimin në Ukrainë të ndihmave jo luftarake si të jelekve démodé antiplumb, të baterive për motorat e tankeve apo të dylbive me LED (light enhancing device). Morali : Ukraina humbi frikësuesin(deterant) e vetëm, armët bërthamore, që do t?i bënin të paprekshëm kufijtë e saj. I humbi në këmbim të një garancie amerikane, që vlente sa firma-garanci franceze në traktatin e Antantës së Vogël për Cekosllovakinë e Beneshit, apo sa garancia anglo-franceze dhënë Polonisë në vitin 1939.

Presidendti Thieu ju përgjigj lënies në baltë nga Presidenti Nikson duke botuar letrat e Niksonit për Thieun, letra ku Niksoni solemnisht garantonte se në rast shkelje të marrëveshjes nga komunistët vietnamezë Amerika do ndërhynte fuqishëm me armë kundra komunistëve. Vecanërisht dëmprurëse për Presidentin Nikson ishte botimi i letrave të tija të datave 17 dhjetor 1972 dhe 5 janar 1973. Një botim i tillë dëmtoi reputacionin e Presidentit amerikan, sepse tash e mbrapa nuk mund t?i zije besë as fjalës as firmës së tij në një dokument zyrtar ndërshtetëror. (Letra e Nikson: https://www.mtholyoke.edu/acad/intrel/vietnam/nixonthieu.htm)

Prokurori Llalla lejoi të ?rrjedhë? në media një letër zyrtare e SH.T. ambasadorit Lu, ku ky i fundit ndërhyn haptas në prokurorinë shqiptare në favor të disa shtetasve kanadezë (ish pronarë të firmës Banker?s Petroleum). Me këtë veprim Llalla u tregoi shqiptarëve dhe ndërkombëtarëve se thelbi i reformës për drejtësi është që pushteti gjyqësor në Shqipëri te jetë i pavaruar nga politika shqiptare dhe plotësisht i varur nga SHBA-ja (dhe BE-ja sa për fasadë) si edhe nga ata politkanë shqiptarë, që do të mund të fitojnë statusin e lakmuar të Kuislingut apo të kukullës (puppet string). Kuptohet, që kjo do të thotë që Atdheu im të shndërrohet në koloni duke vuajtur gjithë pasojat e kolonisë, ndërsa fuqia kolonizatore nuk do të marrë asnjë përgjegjësi e nuk do bëjë asnëj sakrificë për koloninë. Këto sakrifica e përgjegjësi i takojnë ligjërisht e moralisht si cdo metropol ndaj kolonisë. Këtu mund të sjellim shembullin e Mbretit Xhorxh të Anglisë që harxhoi jashtëzakonisht shumë ar dhe gjak anglezi e mercenarësh gjermanë për të mbrojtur 13 kolonitë e Nju Inglandit nga sulmi i trupave të Luigjëve të Francës.

SH.T.ambasadori Lu besoj se e ka kuptuar që tashmë Lllalla me bërjen publike të letrës (ka dhe dokumente të tjera kompromentuese) u tregoi shqiptarëve nëjlloj si kalamani i përrallës së Andersenti se mbreti (reforma e drejtësisë) na qenkërka lakuriq!