web counter
LEXO PA REKLAMA!

SHKARKO APP

App Store
Google Play

Majlinda Bregu: Nuk e imagjinoj çfarë do ndodhë në 22 Korrik nëse nuk miratohet Reforma

14 Korrik 2016, 16:55, Aktualitet CNA

Deputetja demokrate Majlinda Bregu është shprehur se se nuk e imagjinonte dot se çfarë do të ndodhë në Shqipëri në datën 22 korrik nëse nuk miratohet Reforma në Drejtësi.

Këtë deklaratë Bregu e bëri gjatë fjalës së saj në Konferencën e Ambasadorëve. ?Nuk ka asgjë tjetër që diskutohet në këto ditë të nxehta në Shqipëri sesa reforma në drejtësi. Vonë dhe pak mbase është ky diskutim i qartë për të gjthë ne, madje dhe për ne që jemi të përfshirë ditrekt në politikë. Ka qenë më tepër në duart e ekspertëve sesa ka qenë pjesë e diskutimit dhe vendimarrjes politike. Gabimi kryesor me të cilin nisi kjo reformë. Reforma do në ballë politikën, politikanët, ata votohen, ata kanë përgjegjësinë. Ekspertët normalisht duhet ti ndiqnin në vendimarrjen e tyre. Ky është rezultat i mosbesimit mes palëve, megjithatë unë uroj po aq sa Arta që kjo reformë sot java, e enjtja tjetër e Parlamentit, të na sjellë në një pikë të përbashkët për të votuar reformën në drejtësi. Jo vetëm se kemi lodhur të gjithë veshët që na kanë dëgjuar dhe të gjithë mendjet që kanë dashur të na ndihmojnë në këtë proçes, por sepse unë nuk shoh asnjë rrugë tjetër. Ose nuk arrij të imagjinoj datën 22 korrik se çfarë do të ndodhë dhe si do jetë situata në Shqipëri?, tha Bregu.





Lajmet e fundit nga