E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Batutat/Blushi-Idrizit: Tërhiq gjuhën. Presidenti nga populli se nuk ësht as doganier, as kasë fiskale

14 Korrik 2016, 15:06, Aktualitet CNA

Unë nuk kam problem të hyj në debat me askënd këtu. Duhet Presidenti nga popullit, duhet me 3/5-t, apo duhet me 71. Unë e bëj këtë debat me këdo dhe është pjesë normale e kësaj salle. Kur del dikush dhe më thotë; na ke vjedhur, na ke grabitur, ka vjedhur dorëshkrime, ka vjedhë libra, tani më në fund e kuptuan këta hajdutët?

Çfarë kemi vjedhur, a mund ta di? A mund t?i hyj replikës se kush ka vjedhur më shumë këto 25 vjet? Nuk dua t?i hyj! Nuk e kuptoj se si dikush mund të jetë aq vulgarë të thotë; na keni vjedhur, na keni grabitur. Ore zotëri, jeni mirë apo nuk jeni mirë?

Unë besoj se nuk ju vlen ju të hyni në debat me mua. Ka shumë arsye, por po ia lë kohë. Tani kthehemi tek amendamenti. Më the; po t?i i fut thikën partisë tënde. Ore Shpëtim, ti ku je në opozitë apo në pushtet? E di ku jam unë?

Unë kam ardhur në pushtet me këtë parti në vitin 2013, me të cilën kam që nga viti 1997. Formalisht nuk kam ikur, por edhe në qoftë se iki nuk do të shkoj me PD-në. Jam në opozitë me shumë gjëra që nuk më pëlqejnë. Ti je votuar si opozitar dhe sot je në pushtet.

Po kjo zonja (Mesila Doda), ku e ka mandatin në qeveri apo në opozitë. Për çfarë votoni ju për qeverinë apo opozitën. Jam në opozitë me çdo gjë të keqe në këtë vend, jam në opozitë me trafikun e votave, jam në opozitë me çdo parti që vjen këtu e trafikon vende pune.

Më jep doganierin, tatimorin, pastruesin e parlamentit, me peshkatarin, më jep rrjetën. Ka pak peshk, por më duhen më shumë. Çfarë partie je ti? Në qoftë se nuk do që ta kthej në një estradë këtu, mbylle këtë muhabet dhe kërkoni ndjesë për gjuhën. Çfarë ju kemi vjedhur? Idenë se kërkojmë Parlament nga populli?

Kemi vënë 9 firma. S?ka problem? Sa të doni. Nuk ka rëndësi! Çfarë keni bërë ju? Keni propozuar një opinion që parashikoni që presidenti të zgjidhet me tre raunde. Çfarë thu mo Shpëtim? Mendon se ky Parlament është kaq idiot sa e lë Presidentin në dorën tënde? Presidenti nuk është doganier, as kasë fiskale.

Të lutem tërhiq gjuhën se do të merrem vetëm me ty. Në qoftë se vazhdoni ta përdorni këtë gjuhë është vulgare. Unë nuk kam fyer njeri. Ke bërë deklaratë partie kundra meje. A mund të ketë një parti që bën deklaratë kundër një deputeti se paska bërë një amendament. Më ke akuzuar se jam hileqar”, tha Blushi.

/citynews/