web counter
LEXO PA REKLAMA!

SHKARKO APP

App Store
Google Play

Pse e ka humbur qetësinë Edi Rama/Kryeministri bisedë kokë më kokë me Majkon

14 Korrik 2016, 14:17, Aktualitet CNA

Kryeministri Edi Rama, megjithëse ka qenë prezent në ambientet e Kuvendit, gjatë seancës parlamentare, nuk është parë të ulet në vendin e tij.

Mësohet se Rama ka qenë pak nervoz dhe i tensionuar, madje ka zgjedhur që të bisedojë për pak minuta vetëm me ish-Kryeministrin Pandeli Majko, duke u ulur pranë tij në sallën e Kuvendit.

Nuk dihet se çfarë mund të jetë diskutuar mes Ramës dhe Majkos, por burime nga PS konfirmojnë se nervozizmi i Kreut të Qeverisë mund të ketë lidhje me bërjen publike të qëndrimit nga ana e LSI-së se reformën do ta miratojnë se arrihet konsensus, por edhe që ajo të jetë sipas rekomandimeve të Venecias.

Ndoshta kjo lëvizje e LSI-së mund të çojë Ramën drejt planit C, që mund të jenë zgjedhjet e parakohshme, megjithëse ai nuk ka votat e mjaftueshme në Kuvend për një gjë të tillë. Majko është një nga deputetët e PS-së që mbështet variantin e zgjedhjeve të parakohshme, madje në deklarata publike është shprehur se zgjedhjet dhe referendum për drejtësinë duhet të zhvillohen në të njëjtën ditë.

Gjithashtu një bisedë pak minutëshe Majko ka zhvilluar edhe me Kreun e Grupit parlamentar të PD-së, Edi Paloka ndërkohë që gjatë seancës po diskutohej mbi reformën në drejtësi./citynews/





Lajmet e fundit nga