web counter
LEXO PA REKLAMA!

SHKARKO APP

App Store
Google Play

"Drejtësia"/ Paloka: Rama nuk e pranon propozimin e PD sepse nuk e do reformën

7 Korrik 2016, 07:49, Aktualitet CNA

Nënkryetari i Partisë Demokratike, Edi Paloka deklaroi në studion e lajmeve të Ora News se nuk pret që kryeministri Rama të pranojë propozimin për konstituimin e institucioneve të reja kushtetuese edhe pse sipas tij dakordësia në këtë fazë të procesit do të garantonte cilësinë dhe votimin në kohë të reformës në drejtësi.

“Nëse Rama pranon qoftë edhe këtë propozim të fundit që ne kemi bërë edhe koha edhe cilësia bashkohen dhe ne e mbyllim reformën. Unë jam i bindur që nuk do ta pranojë sepse nuk e do”, tha Paloka

Numri dy i selisë blu tha se Rama nuk e do reformën, ndaj edhe po tenton një lojë politike për t?i lënë opozitës fajin e dështimit dhe për ta çuar vendin drejt zgjedhjeve të parakohëshme.

“Ai luan një lojë tjetër, thotë po ngre si çështje reformën në drejtësi po them që opozita nuk e do dhe po hidhemi në zgjedhje për reformën në drejtësi. Ti themi shqiptarëve hajde të votojmë për reformën, le ti harrojmë vjedhjet e Ramës, krimet e Tahirit, bandat, hajdutat, ministrat e korruptuar?ti harrojmë këto dhe hajde të bëjmë reformë. Kush nuk e do reformën? Opozita. Hajde të votojmë për Edi Ramën”, shtoi ai

Por sipas Palokës, edhe në këtë skenar Rama i ka bërë llogaritë gabim, pasi demokratët nuk do ta lejojnë.

“Gati dhe me të gjitha mënyrat për të mos lënë që ky zotëria të mos bëjë zgjedhje me atë qeveri. Nuk mund të ketë zgjedhje me Edi Ramën, e gënjen mendja nese mendon se do e futë vendin në qorrsokak duke e çuar në zgjedhje të tilla dhe ai do drejtojë qeverinë ndërkohë që bëhen zgjedhje” përfundoi nënkryetari i PD

Për Palokën grabitja në Rinas cënoi sigurinë kombëtare dhe nuk mund të ndodhte pa bashkëpunëtorë.





Lajmet e fundit nga