web counter
LEXO PA REKLAMA!

SHKARKO APP

App Store
Google Play

Mero Baze: Ilir Meta në betejë me Donald Lu dhe amerikanët

30 Qershor 2016, 20:51, Aktualitet CNA

Gazetari dhe botuesi Mero Baze është shprehur se Kryeparlamentari Ilir Meta po bën një betejë ndaj ambasadorit Donald Lu dhe amerikanëve.

Në një editorial me titull ?Pritje në shtëpinë e ?xhelatit??, Baze ka rrëfyer atë çfarë ka ndodhur sot në pritjen e organizuar nga Ambasada amerikane në Pallatin e Brigadave me rastin e Festës së Pavarësisë së SHBA-së.

Baze shkruan se në event mbajti fjalën vetëm një prokuror amerikan i cili do të ofrojë asistencën e tij në Shqipëri.

Më tej gazetari shton se Meta duket haptazi i mërzitur me Donald Lu. Baze thekson se Kryeparlamentari nuk pranoi ftesën e ambasadorit  për të biseduar pak mënjanë. ?Ilir Meta duket haptazi i mërzitur me të për shkak të raporteve të këqija personale. Me siguri konflikti i tyre do të shkojë deri në Uashington. Ka ndodhur kështu dhe me një paraardhës tjetër të zotit Lu. Nuk pranoi ftesën e ambasadorit  të bisedonin pak mënjanë. Ju largua thuajse me mospërfillje. Me sa duket punët mes tyre nuk janë mire prej kohësh dhe beteja mes tyre është në Uashington dhe jo në ?Pallat të Brigadave?.? shkruan Baze në editorialin e publikuar në TemA.

Gazetari e ka konsideruar të ftohtë pritjen e Ambasadës, ndërsa e ka krahasuar me shtëpinë e xhelatit. ?Nëse do të detyrohesha të jepja përshtypjet nga pritja e Ambasadës, do të thosha se ajo ishte e ftohtë në mes të këtij të nxeheti të qershorit. Por ishte e vërtetë. Ngjante si një pritje në shtëpinë e xhelatit, ku fjalimin e mbante ai që e urrenin të gjithë, por që bëjnë sikur e duan: Prokurori amerikan.? përfundon Baze.

 





Lajmet e fundit nga