E vërteta e presidentit nga populli Mesila dhe Blushi/ Nga Elvi FUNDO

30 Qershor 2016, 18:40, Aktualitet CNA

Deputeti socialist Ben Blushi propozoi së bashku me disa kolegë të tjerë majtas dhe djathtas zgjedhjen e presidentit nga populli. Për këtë propozim Blushi, Hafizi, Arta Dade, Eduard Selami dhe të tjerë deputetë dorëzuan amendamentet e tyre për ndryshimet kushtetuese dhe zgjedhjen e presidentit nga populli.

Por i menjëheshëm ishte reagimi i Mesila Dodës e cila fillimisht përshëndeti deputetët që i bashkoheshin nismës të dorëzuar në dhjetor në parlament nga Mesila Doda dhe Shpëtim Idrizi.

Në një reagim të dytë Doda ishte dhe më e ashpër duke e quajtur ?vjedhje? dorëzimin e amandamenteve për ndryshimet kushtetuese dhe zgjedhjen e presidentit nga populli. Por ky debat ka vazhduar i fortë edhe sot. Mesila Doda ka ?thumbuar? sërish Blushin, duke mos e falur deputetin socialist për këtë veprim.

Komunikova pak ditë më parë me deputeten Doda e cila më vuri në dispozicion edhe dokumentat e mëposhtme. Doda këmbëngul se është ajo, Idrizi dhe PDIU, propozuese e ndryshimeve kushtetuese për president nga populli dhe Blushi, Hafizi dhe deputetët e tjerë thejsht kanë vjedhur një ide dhe aksion politik të kryer muaj më parë, pikërisht në dhjetorin e vitit 2012.

Por nuk u ndala këtu, morëm edhe amendamentet e Ben Blushit për të parë si qëndronte e vërteta, ishte Mesila që nxitohej për të përfituar politikisht apo Ben Blushi kishte të drejtë.

Së pari nga dy dokumentat e krahasuara del se PDIU, Mesila Doda dhe Shpëtim Idrizi, kanë bërë komente mbi ndryshimet, jo amendamente. Ndërkohë Ben Blushi ka propozuar ndryshimet konkrete në kushtetutë. Pra këtu ndryshimi është koment-amendament. Por këtë le ta quajme të njëjtë megjithëse ka një ndryshim thelbësor, kjo për të qenë paksa në krah të PDIU-së si parti e vogël me shpresë të madhe.

Së dyti, e cila është edhe thelbi, rezulton se PDIU ka propozuar president me 3/5 në tre raunde, në rast se ai nuk zgjidhet, të shkojë në popull. Pra jo president direkt nga populli, por populli t?a zgjedhë po nuk eci pazari Rama-Meta-Idrizi. Pra propozimi i PDIU-së është president nga parlamenti me 84 vota, të cilat sot i kanë 3 partitë qeverisëse. PDIU i ngre më tej pazarin vetes, këtë herë disa drejtorë më shumë për votën e presidentit.

Ben Blushi ka propozuar president nga populli direkt. Pra mos ketë tre raunde me 84 vota dhe pazare në parlament, por të jetë populli ai që e zgjedh presidentin. Rezulton në fund se Ben Blushi ka propozuar president nga populli dhe ka dorëzuar amendamentet, kurse PDIU ka propozuar president me 84 vota në parlament dhe më pas nga populli, po eci pazari ta gëzojë populli presidentin, dhe për më tepër ka bërë komente jo amendamente.

Kjo është e vërteta me dokumenta dhe fakte konkrete. Ndryshojnë shumë, dhe Ben Blushi në fakt ka një garë të fituar me miken time Mesila Doda./Shkruar per citynews