web counter
LEXO PA REKLAMA!

SHKARKO APP

App Store
Google Play

E fundit!

x

Nga Mentor Kikia/ Qesh o popull, qesh dhe shaj, kjo është drejtësia e vetme

29 Qershor 2016, 16:54, Aktualitet CNA

Sot dynjaja po gajaset me sms-të e një idjoti, që shteti, dmth ne me taksat tona, prej më shumë se 20 vjetësh e paguanim për gjykatës dhe qe i kerkonte favore seksuale nje gruaje qe kishte gjyqin e divorcit me te. Më ngacmoi të shkruaj këto radhë një kolegu im, që tha: Përse i nxjerrin këto sms në pazar, ato janë provë hetimore?
E drejtë thashë, nuk duhej të dilnin. Por më duket se ky është gjyqi i vetëm që i bëhet këtij soji. Tallja publike me këta njerëz, shfryrja e mllefit dhe urrejtes, është ndëshkimi i vetëm që ata marrin, pasi drejtësia e vërtetë nuk bie asnjëherë mbi ta.
Besoj e keni parë se me sa bujë arrestohen ca personazhe. Vlojnë njerëzia duke sharë, mallkuar e uruar që të shkojnë në ferr. Por pas një muaji, pasi dalldia e facebook-ut dhe e medias ka rënë, ata fillojnë e dalin fët e fët nga burgu, si pa u ndjerë, pa zhurmë. Nga një trastë para në Gjykatën e Apelit dhe, ku të kemi parë…. Ndërkohë ka ndodhur skandali i radhës dhe ne kemi punë të tjera. Kështu u lirua pak dite me pare një bandit që rrëmbeu e dhunoi një gazetar sportiv, ca gra që rrihnin fëmijet në jetimoren e Shkodrës, ca mjekë që u vdiq fëmija duke i hequr bajamet, ca drejtorë të rrugëve që refuzonin të zbatonin vendimin e gjykatës për të mbyllur parmakët e austostradës, ku vritesin njerëz në aksidente?
Ndaj gajasuni njerëz, qeshni, shani, shfryni, nxirrni dufin dhe vrerin se kjo është drejtësia e vetme që bëhet mbi këta përversë, hajdutë, kriminele, të korruptuar?





Lajmet e fundit nga